Ala o mambo mena me

Ala o ebambu a mongo

 LONGE̱ LA KRISTE̱N

“Lo̱nge̱le̱ nde mo̱”

“Lo̱nge̱le̱ nde mo̱”

Jo̱nge̱le̱ nje e? Filipi 4:8 e makwala ná jo̱nge̱le̱ nde mambo me mbale̱, me edube, ma te̱m na sim, me ko̱nji, ma to̱ndo̱be̱, ma do̱li myango, me ede̱mo a bwam, na ma mawe̱le̱ sesabe̱. Ye mbale̱, e titi eto̱m ná kriste̱n yo̱nge̱le̱ nde mambo ma mombweye̱ Bibe̱l buka te̱. Nde dutea la mulema masu langame̱n do̱lisane̱ Yehova. Di s’angame̱n jo̱nge̱le̱ mambo mena ma mabole̱ ná di si be̱ pe̱ mo̱ jemea.​—Mye 19:15.

Ye ná e be̱ biso̱ ndutu o samba mo̱nge̱le̱ ma bobe. Jangame̱n janane̱ ebe̱yed’asu ya bato ba titi ke̱nge̱nge̱, na Satan, “loba la mun mundi ma wase.” (2Ko 4:4) Kana Satan a be̱nno̱ ngińa omo̱ń a belongisan ba mibia, ońola nika nde mambo jita television, radio, internet, na ńuspepa ba makwaleano̱, ma titino̱ ko̱nji. Di si mapo̱so̱ te̱ nje jangame̱nno̱ senga, langa to̱ jombwa, di mabe̱ne̱ mo̱nge̱le̱ ma bobe, na nika e bola ná di be̱ne̱ bedangwedi ba bobe.​—Yak 1:14, 15.

OMBWA SINIMA SAMBA NJE E MABO̱MBISE̱ JEMEA​—LONGE̱LE̱ LA ŃOLO LENA DI TITI KO̱NJI, DENGE̱ O MALABE̱ MIN MYUEDI: