Ala o mambo mena me

Ala o ebambu a mongo

 LONGE̱ LA KRISTE̱N

Ndolo nde ńe eyemban a Kriste̱n a mbale̱​—Banga malinga na pulise̱ la bwam ba wame̱ne̱

Ndolo nde ńe eyemban a Kriste̱n a mbale̱​—Banga malinga na pulise̱ la bwam ba wame̱ne̱

OŃOLA NJE NIKA ŃENO̱ MWEŃA: Yesu okwe̱le̱ ná ndolo nde e me̱nde̱ be̱ eyemban a bokwedi bao. (Yoh 13:34, 35) Ná di lee̱le̱ ndol’a Kristo, jangame̱n pulise̱ bwam ba bane̱ na samba pe̱ malinga.​—1Ko 13:5.

NE̱NI BOLA NIKA:

  • Moto a kwali te̱, to̱ a boli te̱ lambo di malingisane̱, no̱ngo̱ ponda o dutea, o wase̱le̱ njo̱m a nika, nde o duteye pe̱ ońola betune̱ be me̱nde̱ we̱ ombusa wa bola nje ye wa o mo̱nge̱le̱.​—Min 19:11

  • O si dimbea ná to̱ mō̱ ńasu a titi ke̱nge̱nge̱, ponda iwo̱ pe̱ di yo̱ki kwala to̱ bola mambo di mombwe̱no̱ ombusa ponda

  • Pomane̱ sangilane̱ myambo

OMBWA SINIMA ‘BE̱NE̱ NDOLO MŌ̱ NA NUNE̱’​BANGA MALINGA NA PULISE̱ LA BWAM BA WAME̱NE̱, DENGE̱ O MABAISE̱ MIN MYUEDI:

  • Nje Larry a bolino̱ ponda Tom a bolino̱ jo̱nge̱le̱ lao e?

  • Ne̱ni no̱ngo̱ la ponda o dutea longwane̱no̱ Tom o banga malinga e?

  • Ne̱ni jalabe̱ la musango la Tom di lo̱kino̱ mambo e?

Ne̱ni jalea lasu la ńolo o banga malinga leno̱ ná di wanea mwemba tombwane̱ e?