Ala o mambo mena me

Ala o ebambu a mongo

 LONGE̱ LA KRISTE̱N

Ne̱ni be̱ mokwe̱ Betiledi ńa iwiye̱

Ne̱ni be̱ mokwe̱ Betiledi ńa iwiye̱

We ná o to̱ndo̱ be̱ jemea owas’a makekisan ka Daniel e? Daniel a ta a tingame̱ na iwiye̱ o jokwa l’Eyal’a Loba, na la bedinge̱ bao ba njiba. (Dan 9:2) Jokwa la Bibe̱l la iwiye̱ le ná longwane̱ wa o tika be̱ jemea. Ne̱ni e? Le ná di batea wa dube̱ ná makaki ma Yehova ma me̱nde̱ londa. (Yos 23:14) Le pe̱ ná longwane̱ wa o bata be̱ne̱ne̱ Loba ndolo ni matute̱le̱ wa o bola nje e te̱nge̱n. (Mye 97:10) La we̱ni so̱ o me̱nde̱no̱ botea e? Malea mō̱ man.

  • Nje nangame̱nno̱ jokwa e? Ko̱lo̱ngo̱ne̱ la bwam la jokwa di bambe̱ m’boṅsan ma ndongame̱n. O me̱nde̱ nde busane̱ tombwane̱ o bolanga ba Bibe̱l ba woki te̱ ke̱ o no̱ngi ponda o po̱ngo̱ muwaso ma mato̱ti o si so̱ṅtane̱no̱. Omo̱ń a nika, bō̱ ba po̱si o bata jokwa bedinge̱ ba Bibe̱l, ńai na ńai a bede̱mo b’epuma mudī ma Loba, malo̱ndo̱ m’ebol’a ńamuloloma Paulo, mambo Yehova a wekino̱. Myuedi ma Bibe̱l mō̱ mi po̱yedi te̱ wa o mo̱nge̱le̱, tila mo̱, mo̱ nde mi be̱ wa tema ni mabupe̱ ńa jokwa lo̱ngo̱.

  • We̱ni neno̱ ná na so̱ tem’a jokwa e? Ońola byembilan bō̱ ombwa sinima Belongisan ba muwaso o so̱ bema ba tiki ba mudī. Ná wokwe̱le̱ wame̱ne̱, wasa mina ma kiṅ’a wase yena ye edinge̱ding’a ńama ye o Daniel bepasi 7.

  • Ponda ininga nangame̱nno̱ bolane̱ ońola jokwa e? Jokwa la ponda te̱ le nde bwanga bo majesane̱ bwam kaponda mudī. We ná o botea na jokwa la ponda ni wuto, denge̱ o mako̱ko̱ ponda son na son. Jokwa l’Eyal’a Loba le nde ka moto nu mapule̱ mińangadu o so̱ bema ba tiki be wutame̱; o so̱ mo̱ nā, ńo̱ng’a pula pe̱ e bata! (Min 2:3-6) O mabata be̱ njai a Eyal’a Loba, o ko̱lo̱ngo̱ne̱ pe̱ jokwa la Bibe̱l la ponda te̱ o longe̱ lo̱ngo̱ le̱se̱.​—1Pet 2:2.

ŃAMA YA DANIEL BEPASI 7 YE NDE EDINGE̱DING’A NJE E?

MYUEDI MA MBATA:

Ne̱ni Daniel 7:8, 24 e kusino̱ belondisedi e?

JOKWA DI BUPE̱:

Ńama ya Bebīsedi bepasi 13 ye nde edinge̱ding’a nje e?