Ala o mambo mena me

Ala o ebambu a mongo

 LONGE̱ LA KRISTE̱N

Bata be̱ jangwa o dikalo​—Ongwane̱ ba “ba te̱se̱be̱” ná ba timbe bokwedi

Bata be̱ jangwa o dikalo​—Ongwane̱ ba “ba te̱se̱be̱” ná ba timbe bokwedi

OŃOLA NJE NIKA ŃENO̱ MWEŃA: Yehova a mabola ná mbolako a mbale̱ e ńake o milema ma ba “ba te̱se̱be̱ ońola longe̱ la bwindea.” (Bbol 13:48; 1Ko 3:7) Di mabola ebolo mwemba na mo̱ ke̱ di matuse̱ biso̱me̱ne̱ o dikalo ońola ba ba makase̱ nje ba mokwano̱. (1Ko 9:26) Bokwe̱ Bibe̱l bangame̱n so̱ṅtane̱ ná dubise̱ la kriste̱n le mweńa ná ba sungabe̱. (1Pe 3:21) Di mongwane̱ babo̱ o timba bokwedi ke̱ di malee̱ babo̱ ne̱ni wana mawengisan o longe̱ labu, ne̱ni te̱ dikalo na lee̱, na bake̱ pe̱ Yehova longe̱ labu.​—Mt 28:19, 20.

NE̱NI BOLA NIKA:

  • O̱nge̱le̱ bokwe̱ Bibe̱l ná janda la jokwa labu le nde ná longwane̱ babo̱ o ‘bia’ Yehova na do̱lisane̱ mo̱.​—Yoh 17:3

  • Ongwane̱ babo̱ o buka mikidi ka bede̱mo ba bobe na mindenge ma bobe, ná ba we̱le̱ ńaka o mbad’a mudī

  • Embe̱ na jome̱le̱ pe̱ babo̱ oboso na ombusa dubise̱ labu.​—Bbol 14:22

OMBWA SINIMA YEHOVA LOBA A ME̱NDE̱ JONGWANE̱ WA, DENGE̱ O MALABE̱ MIN MYUEDI:

  • Nje ye ná e bwese̱ moto bo̱ngo̱ ná a timbise̱ bake̱ lao la ńolo na dubise̱ ombusa e?

  • Ne̱ni batudu beno̱ ná bongwane̱ bokwe̱ Bibe̱l o ńaka o mbad’a mudī e?

  • Nje Yesaya 41:10 e malee̱no̱ biso̱ ońola Yehova e?

  • Njika bede̱mo be me̱nde̱ jongwane̱ biso̱ o bolea Yehova o mbad’a bwam, to̱ná di titino̱ ke̱nge̱nge̱ e?

Ne̱ni di mabolano̱ ebolo mwemba na Yehova o timbise̱ bato bokwedi e?