Tolibai kumaa id suang

Tolibai hilo’d table of contents

Sasi-Sasi'd Yohuwah

Pilio boros Dusun

 PINSINGILAAN 8

Haro Tambalut di Yosia’d Ongosonong

Haro Tambalut di Yosia’d Ongosonong

Osusa nangku’d momonsoi dit ongotopot?— Kogumuan dot tulun do kosorou miagal diri. Nokoboros o Bible dot osusa kopio montok di Yosia songulun kusai’d tomulok dot momonsoi’d ongotopot. Nga haro piro-piro’d tambalut dau’d ongosonong i kaanu’d monguhup dau. Kaino pinsingilaai toko isai yolo.

Tapa nopo’d Yosia nga i Amon, Raja dot Yohuda. Nga araat kopio yau tu tumuku yau’d tingolig. Soira’d napatai i tapa dau, i Yosia noh o’t nosiliu’d Raja’d Yohuda. Nga walu nogi toun dot tumur dau! Araat nangku yau’d miagal di tapa dau?— Amu!

Minanahak i Sipinia’d kopoingatan kumaa tulun dot amu tumuku’d tininganak

Mulong po’d omulok po’i Yosia, obintanud yau’d Yohuwah. Iri pogi‘d, dot momili yau’d tambalut do tulun di oupus di Yohuwah. Om monguhup yolo’d Yosia do momonsoi’d ongosonong. Isai o tongotambalut di Yosia?

Songulun nopo’d tambalut dau nga i Sipania. I Sipania nopo nga songulun popilombus do kopoingatan dot tulun Yohuda dot ontokon moti yolo’d dit  angaraat ondung tumuku noh yolo’d dit tininganak.

Tambalut nopo di Yosia di suai nga i Yoromia. Miagal o tumur om mikosomok o kinoiyonon diyolo. Miambalut kopio yolo tu soira nopo’d napatai i Yosia, minonurat i Yoromia’d iso sinding dot popokito’d noiduanan kopio yau’d Yosia. Miuhup yo Yoromia om i Yosia dot momonsoi dit ongosonong om obintanud nogi di Yohuwah.

Miuhup yo Yosia om Yoromia momonsoi dit ongosonong

Nunu o nopinsingilaan nu’ddi poombitanan di Yosia?— Mulong piya’d omulok po’i Yosia nga osonong ngai o nowonsoi dau. Koilo yau’d iri noh tulun dit oupus di Yohuwah o’t apatut dot omboluton dau. Iya nga apatut nogi’d mangambalut dit tulun do oupus di Yohuwah om iri noh kouhup diya’d momonsoi’d ongosonong!

BASAO SUANG BIBLE NU

  • 2 Susui 33:21-25; 34:1, 2; 35:25