Tolibai kumaa id suang

Tolibai hilo’d table of contents

Sasi-Sasi'd Yohuwah

Pilio boros Dusun

 PINSINGILAAN 10

Obintumboyo Tomod i Yesus

Obintumboyo Tomod i Yesus

Asanang nangku’d tumumboyo’d boros dot molohing nu?— Osusa nogi soomonu. Koilo ko toi’d obintumboyo i Yesus di Yohuwah om molohing dau?— Poombitanan di Yesus noh o kaanu’d monguhup diya’d tumumboyo do boros molohing nu’d mulong piya’d osusa. Kaino pinsingilaai toko.

Dit okon po ko hiti’d pomogunan i Yesus, hilo yau’d surga poinsugku’d Tapa dau i Yohuwah. Nga haro nogi’t molohing dau hiti’d pomogunan. Ngaran nopo diyolo nga i Yusuf om i Maria. Mokiilo ko’d poingkuro yolo’d nosiliu molohing dau?—

Pinowaliu’d Yohuwah o’t koposion di Yesus hiri’d pagaganakan di Maria om kosusu no’ddi yau’d hiti’d pomogunan. Iso o koimayaan! Pinonontianan di Maria yau’d gisom dot nosusu miagal dot tangaanak do suai. Siam o tulan nakatalib kosusu no’i Yesus. Iti no’d nosiliu yo Maria om i Yusup do molohing di Yesus dot hiti’d pomogunan.

Soira’d 12 toun tumur di Yesus, minomonsoi yau’d dit popokito’d poingkuro yau’d oupus kopio di Tapa dau, i Yohuwah. Naantakan iti soira i Yesus om paganakan dau’d mamanau moi’d hilo’d Yorusalem dot mamaramai’d Paska. Di mamanau noh yo Yusuf om i Maria poulian, kopurimanai noh diyolo’d a’ hino i Yesus do manud-tanud. Koilo ko hombo o nongoi dau?—

Nokuro tu hilo i Yesus id walai’d sasambayangan?

Poguliai noh diyolo’d hilo’d Yorusalem dot minooi pogihum di Yesus. Gumanggarau tomod daa yolo tu a’ hino i Yesus. Di kotolu no’d tadau om kokito noh diyolo i Yesus hilo’d sasambayangan! Koilo ko nokuro tu hilo’d sasambayangan i Yesus?— Om hilo noh gia koonuan dau’d minsingilo isai Tapa dau, i Yohuwah. Oupus kopio yau’d Yohuwah om minsingilo di yau’d poingkuro’d papasanang Dau. Soira’d nakagayo yau, obintumboyo kasari yau’d Yohuwah.  Obintumboyo i Yesus mulong piya’d oinggorit doti yau’d suai tadau. Obintumboyo i nangku i Yesus di Yusuf om i Maria?— Oo, ka’d Bible.

Nunu nopinsingilaan nu’d mantad do poombitanan di Yesus?— Tumboyoon noh boros dot molohing nu mulong piya’d oudipon. Kaanu koi’d moyo ti?—

BASAO SUANG BIBLE NU

  • Lukas 1:30-35; 2:45-52

  • Iposus 6:1

  • Ibrani 5:8