Tolibai kumaa id suang

Tolibai hilo’d table of contents

Sasi-Sasi'd Yohuwah

Pilio boros Dusun

 PINSINGILAAN 4

Papasanang do Tapa Dau om i Yohuwah

Papasanang do Tapa Dau om i Yohuwah

Nunu batos di Yipta kumaa di Yohuwah?

Mulong piya’d awagat nga tinanud kasari di tanak di Yipta o batos di tapa dau

Okito nu lo tanak tondu tomulok id gambar?— Tanak yau di Yipta. Aiso ngaran dau id Bible nga, oilaan toko’d papasanang yau di tapa dau om nogi i Yohuwah. Kaino minsingilo’d isai yau om i tapa dau i Yipta.

I Yipta nopo nga kusai’d dit apantang om monuduk kopio yau di tanak tondu dau’d isai i Yohuwah. Awantang kopio yau om milo’d osiliu’d boyo’on. Om posiliho no’d tulun do Israil iyau’d boyo’on do moi sangod.

Suminambayang i Yipta do mokiuhup do Kinorohingan. Minamatos i yau dot kamanang nopo yolo, isai nopo i tulun di id gulu moi rapou dau, nga patahakon dau yau’d Yohuwah. Tulun nopo ti nga kumaraja om miyon nondo’d hilo’d  kiim tolidang dot sogigisom. Kiim tolidang nopo’d ti nga walai’d sasambayangan. Om nakamanang moti gia i Yipta! Isai di id gulu suminoliwan do minoi rapou dau?—

O, tanak di Yipta! “Atukoi!” ka di Yipta, tanak dau’ddi koupusan dau om iso noh daa. Gowoi po’ddi om potongkiyadon nodi dau. Tumongob tomod di daa i Yipta. Nga nakabatos no’ddi yau. Tilombusai no’ddi tanak dau minoros-boros dot, “Apa, nakabatos ko no gia’d Yohuwah, kuroyon po.”

Tikid toun o tongotambalut di tanak di Yipta mongoi pogompuya dau

Tanak tondu di Yipta nga tumongob nogi. Hilo nopo’d kiim tolidang nga a’milo’d posowoon. Nga orohian iyau’d di tapa dau’d potumboyo do batos dau om papasanang di Yohuwah. Iti nopo nga poimaha-maha ko mantad do sumawo om maganak-ganak. Om ongoi nodi yau iyon hilo’d kiim tolidang dot sogigisom.

Kasanangan nangku’d Yohuwah om tapa dau iti?— Oo, ondung obintumboyo om opusou ko’ddi Yohuwah, koomit ko nogi di tanak di Yipta. Om iya nga kaanu nogi’d papasanang di Yohuwah om molohing nu.

BASAO SUANG BIBLE NU

  • Ponugutan 6:4-6

  • Gompomutus 11:30-40

  • 1 Korintus 7:37, 38