Tolibai kumaa id suang

Tolibai hilo’d table of contents

Sasi-Sasi'd Yohuwah

Pilio boros Dusun

 PINSINGILAAN 5

Momonsoi Somuil Di Tongotopot

Momonsoi Somuil Di Tongotopot

Mantad dit tanak po i Somuil, pakaraja om poingiyon yau’d hilo’d kiim tolidang, i kinoiyonon om ririkoton do tulun do sumamba di Yohuwah. Koilo ko, poingkuro i Somuil nokoiyon do hilo? Pogulu, pinsingilo toko po gia isai kopio i tina dau, i Hana.

Alaid no’i Hana mokiaanu’d tanak. Insan tadau, ongoi noh yau sambayang do mokiinsian di Yohuwah. Nakabatos i Hana dot, kitanak nopo yau’d kusai nga maan dau pootodo do hilo’d kiim tolidang. Sinimbar di Yohuwah o sambayang dau om paganak noh yau’d kusai. Pungaranai noh dau’d i Somuil. Miagal di nakabatos dau, soira nopo’d tolu ko apat o toun di Somuil, igitai no dau yau’d hilo’d kiim tolidang dot kumaraja montok Kinorohingan.

I Ili nopo nga susukuon dot agayo do hilo’d kiim tolidang. Duo tanak dau nga pakaraja nogi’d hilo. Kiim tolidang nopo nga tiyonon dot sumamba di Yohuwah, om tulun nopo’d hilo nga apatut dot momonsoi dit ongotopot. Nga tanganak nopo di Ili, momonsoi dit tangaraat. Nokito’d Somuil o winonsoi diyolo. Tuminanud nangku i Somuil miagal diyolo?— Amu, minomonsoi yau’d dit osonong i pinotuduk do molohing dau.

Nunu daa i’t apatut do wonsoiyon di Ili kumaa’d tangaanak dau?— Apatut daa’d maan dau hukumo i tangaanak dau om kada daa pologoso yolo’d kumaraja’d hilo. Nga pinologos i dau. Iri pogi’d otogod kopio i Yohuwah kumaa di Ili om i tangaanak dau. Maan di’d Yohuwah hukumo yolo.

Poposunud i Somuil di Ili do pason di Yohuwah

Insan totuong, di maso’d Somuil do koodop, om nokorongou dot linohou yau, “Somuil!” Om ropoho no’d dau i Ili, nga’ ka di Ili, “Amu oku nokopomolohou diya.” Induo’d norongou dau miagal di. Om kointolu nopo di, sinunudan di Ili yau’d, sumimbar do poingkaa, “O Yohuwah, boro-boros noh, korongou i iti susuhuon nu.” Iri no i tinanud di Somuil. Boros ka’d Yohuwah, “Sunudai no’i Ili, do hukumon ku o paganakan dau,  tu angaraat i nowonsoi diyolo.” Katama i nangku i Somuil do minomisunud di Ili’d ti?— Amu. Mulong piya’d mosirosi i Somuil nga posusuiyo nopo dau i boros di Yohuwah. Otopot dot nadadi iti. Tangaanak di Ili pinatai, i Ili nga napatai nogi.

I Somuil nopo nga poombitanan dit osonong kumaa dati. Mulong piya’d kokito yau’d araat, nga amu i yau katanud. Poingkuro ko iya? Momit ko nangku’d Somuil i momonsoi’d tongosonong? Iti nopo nga kasanangan di Yohuwah om molohing nu.

BASAO SUANG BIBLE NU

  • 1 Somuil 2:22-26; 3:1-21