Tolibai kumaa id suang

Tolibai hilo’d table of contents

Sasi-Sasi'd Yohuwah

Pilio boros Dusun

 PALAJARAN 22

Nunu o Wonsoyon id Tupis do Sasi-Sasi’d Yohuwah?

Nunu o Wonsoyon id Tupis do Sasi-Sasi’d Yohuwah?

Kopulawan Solomon

Kanada

Afrika Salatan

Sompiiyon do Baitol mongobi-obi dot id mogisusuwai o bohogian bagi’d monokodung karaja’ popinsusui habar dot osonong id iso’ toi ko’ piipiro o pogun. Haro o kumaraja’ id pomodolinan do boros, pamansaian do buuk, tiyonon do papaatod om popotikid do buuk, om pamarakaman do video ko’ audio.

Sompuruan di momoyo’d Tupis Sasi-Sasi’d Yohuwah. Pinatahak do Sompuruan do Boyoon do Momoyo’ o karaja’ id monikid tupis do Sasi-Sasi’d Yohuwah kumaa sompuruan i kiharo tolu ko’ lobi’ o ponotua dit osorupai. Sompuruan diti poposunud do kouruton om kobolingkangan do karaja’ id monikid pogun id siriba do tonggungan diyolo kumaa Sompuruan do Boyoon do Momoyo’. Ruputan diti monguhup do Sompuruan do Boyoon do Momoyo’ do manantu nunu o posuangon id kakamot babasaon, pitimungan om pitimungan tagayo id dabantalan. Lalansanon kotinanan Boyoon do Momoyo asaru pootodon do monguhup do momonsoi tonggungan diyolo. (Boros dot Aralom 11:14) Nuludan boboroson dot lalansanon do tupis tagayo mongodsuur koinsanai tulun di poingiyon id pointongkop do watas do tupis.

Monokodung do sidang momogun. Id tupis, haro piipiro boyoon dit osorupai do papabanar do ponimpuunan do sidang wagu. Haro piipiro boyoon dit osorupai do suwai di mangatur karaja’ do Popopinsusui, Popopinsusui Soborong Rahat, om Ponyolia Posorili di mongobi-obi id watas do tupis. Mangatur iyolo’d pitimungan tagayo om pamansayan do Walai Pitimungan. Suwai ko’ iri, mangatur nogi iyolo do papaatod kakamot babasaon kumaa koinsanai’d sidang. Koinsanai di wonsoyon id tupis nga’ monguhup do poposonong om mongulud do karaja’ popinsusui.1 Korintus 14:33, 40.

  • Poingkuro o sompuruan id tupis do monguhup do Sompuruan Boyoon do Momoyo’?

  • Nunu tonggungan di wonsoyon id tupis Sasi-Sasi’d Yohuwah?