Tolibai kumaa id suang

Tolibai hilo’d table of contents

Sasi-Sasi'd Yohuwah

Pilio boros Dusun

 PALAJARAN 15

Poingkuro o Tongoponotua Mongobi-obi do Sidang?

Poingkuro o Tongoponotua Mongobi-obi do Sidang?

Finland

Monuduk

Momogompi

Popinsusui

A’ mamagadsi o tugama dahai do pado, suwai ko’ momili’ do ponyolia dit osorupai do ‘momogompi di sidang do Kinorohingan’ miagal di nowonsoi maso’d kotitimpuun o sidang Kristian. (Winonsoi 20:28) I tongoponotua do sidang diti nopo nga’ kusai dit ongotuo o pomusarahan. Momoyo’ om momogompi iyolo’d sidang miampai ‘a’ awagat o ginawo om a’ momonsoi di karaja’ do mokimaanu-anu no do kountungan, suwai ko’ miampai ‘iso-iso kopio o ginawo dot orohian kumaraja tumanud korohian do Kinorohingan.’ (1 Pitrus 5:1-3) Poingkuro iyolo do monguhup dati’?

Momogompi om mogontong iyolo dati’. Tongoponotua do sidang popotunud om monguhup do sidang moi do kointirung toko’ kasari id kosianan di Yohuwah. A’ iyolo momorinta di tulun di songonuon di Yohuwah suwai ko’ monguhup dati’ do masi id kataadan, tu’ opurimanan diyolo do nonuan iyolo Dau do karaja’ dit oponting diti. (2 Korintus 1:24) Miagal do gompomogompi do biri-biri dit aparu do momogompi monikid biri-biri dau, tongoponotua nga’ mumbal do mintutun monikid tulun id sidang.Boros dot Aralom 27:23.

Monuduk iyolo dati’ poingkuro tumanud korohian di Yohuwah. Id monikid minggu, momoyo’ o tongoponotua do sidang di pitimungan bagi’d popogirot kotumbayaan dati’. (Winonsoi 15:32) Suwai ko’ iri, aparu nogi iyolo do momuruan do karaja’d popinsusui. Popinsusui iyolo miampai dahai om tudukan iyahai diyolo koinsanai’d karalan-ralano do karaja’ popinsusui.

Mongodsuur iyolo monikid tulun id sidang. Bagi’d momogompi do piombolutan monikid dati’ miampai di Yohuwah, kumakap kaanto o tongoponotua dati’ id walai dati’ ko’ id Walai Pitimungan do monguhup om monginsasamod dati’ maya’d Baibol.Yakub 5:14, 15.

Suwai mantad ko’ i karaja’ id sidang, kogumuan diyolo nga’ mamakai do maso om kinoris diyolo tu’ pakaraja’ om haro o paganakan di tonggungon. Iri no dot apatut do pusohon om podulon toko’ kopio o tongotobpinai dati’ dit aparu diti.1 Tosolunika 5:12, 13.

  • Nunu o maan do tongoponotua do sidang?

  • Poingkuro o tongoponotua do sidang do momusou monikid dati’?