Tolibai kumaa id suang

Tolibai hilo’d table of contents

Sasi-Sasi'd Yohuwah

Pilio boros Dusun

 PALAJARAN 24

Poingkuro do Pakayon o Toluod Montok Karaja’ Sompomogunan Dahai?

Poingkuro do Pakayon o Toluod Montok Karaja’ Sompomogunan Dahai?

Nepal

Togo

Britain

Momonsoi om popotikid o Sasi-Sasi’d Yohuwah do Baibol om kakamot babasaon dit aiso’ o bayaran monikid toun. Momonsoi om momiara nogi iyahai’d Walai Pitimungan om tupis. Suwai ko’ iri, monokodung iyahai nogi do tulun di hilo’d Baitol om Popopinsusui Soborong Rahat. Manahak nogi iyahai do ponguhupan kumaa tulun di kikosusaan. Monguhot ko diri kaanto, honggo o koonuan dahai’d tusin?

A’ iyahai mokianu do sompihopod ko’ porsombahan do tusin. Mulong piya dot agayo balansa do momonsoi karaja’ popinsusui, nga’ a’ iyahai mokianu do tusin mantad tongoulun. Lobi’ mantad do hatus o toun di laid, haro o pinotulis id majala Padtamangan dot otumbayaan iyahai do sokodungon iyahai di Yohuwah, om “a’ indo iyahai koumbal do mokianu ko’ mokiinsian do tulun do monokodung dahai.” Om gisom baino nga’ a’ iyahai kopio nokoumbal do momonsoi irad diri.Matius 10:8.

Karaja’ dahai sinokodung maya’d toluod di pinuhawangan. Ogumu o tulun manahak do toluod tu’ ounsikou iyolo’d karaja’ dahai’d popinsusui. Agaan o Sasi-Sasi’d Yohuwah do manahak maso, kinoris, om tusin do momonsoi korohian di Yohuwah id pointongkop do pomogunan. (1 Susui 29:9) Id Walai Pitimungan, pitimungan tagayo om konvensyen dahai, haro o poiyanan do porsombahan montok diyolo di sipanahak do toluod. Toi milo’d manahak toluod maya’d laman web dahai id jw.org. Kogumuan do tusin nga’ mantad diyolo it okon ko’ tulun do kaya, iyo di tondu’d mosikin do pinoboros di Yesus di pinoposuang do tusin dit okooro kopio o suang. (Lukas 21:1-4) Om koinsanai’ddi nga’ milo do ‘popotobilang do tusin’ om “manahak do mikuwo’d agaan o ginawo.”1 Korintus 16:2; 2 Korintus 9:7.

Otumbayaan iyahai’d tilombuson di Yohuwah do papagaan ginawo’d tulun ‘do papatahak’ toluod mantad konunu-nunuan diyolo bagi’d monokodung karaja’d popinsusui moi dot abayaan o korohian Dau.Boros dot Aralom 3:9.

  • Nunu o poposuwai do tugama dahai mantad tugama do suwai?

  • Poingkuro do pakayon i toluod?