Tolibai kumaa id suang

Tolibai hilo’d table of contents

Sasi-Sasi'd Yohuwah

Pilio boros Dusun

 PALAJARAN 19

Isai o Susuhuon dit Otorodok om Oilo?

Isai o Susuhuon dit Otorodok om Oilo?

Koinsanai dati’ nga’ kaanu’d kasanangan mantad taakanon di don rusod

A’ alaid mantad kinapatayon dau, miniboro-boros i Yesus miampai apat tumatanud dau, i Pitrus, Yakub, Yohanis, om Andarias. Maso’d pinosunud dau tanda’ do korikatan dau id kopupuson do pomogunan, minonguhot iyau iso’ ponguhatan dit oponting tomod, “Isai ma o susuhuon dit otorodok om it oilo? Iri no i tulun di siniliu di tuan dau do boyoon di susuhuon do suwai, om oonuan i’ dau iyolo’ do takanon do tontok di maso do natantu’ mantad.” (Matius 24:3, 45; Markus 13:3, 4) Monongkuya i Yesus do tumatanud dau do sabaagi “tuan” diyolo, manahak iyau taakanon di don rusod kumaa diyolo id maso’d kopupuson maya’d susuhuon di nopili’ dau. Isai nangku o “Susuhuon” diti?

Tinimungan tokoro di nopili dot tumatanud di Yesus. “Susuhuon” nointutunan sobaagi’d kotinanan Boyoon do Momoyo dot Sasi-Sasi’d Yohuwah. It manahak do taakanon di don rusod id maso di koontok kumaa koombolutan Kristian diyolo di tumuku’ di Yohuwah. Sumondiu toko’ do susuhuon diti do tumilombus manahak dati’d “taakanon do tontok di maso di natantu’ mantad.”Lukas 12:42.

Mongulud iyolo koinsanai di pinaharapan do Tuan diyolo. (Lukas 12:44) Nonuan di Yesus o susuhuon diri do tonggungan dit awagat do mongilo-ilo karaja’d tulun di songonuon di Yohuwah hiti’d pomogunan—momogompi’d tongodapu’, mangatur karaja’ popinsusui, om monuduk dati’ maya’d tongosidang. Bagi’ddi, manahak iyolo dati’ kosusukupan di don rusod soira’d oporlu toko’ maya’d babasaon di pakayon toko’ id karaja’ popinsusui, om ponudukan id pitimungan om pitimungan tagayo.

Tongosusuhuon diti ongotorodok kumaa katapatan do Baibol om tonggungan do popinsusui habar dot osonong. Om oilo iyolo tu’ opintar do momogompi koinsanai di pinaharapan di Yesus hiti’d pomogunan. (Winonsoi 10:42) Barakatan di Yohuwah o karaja’ do susuhuon diti, tu’ murut-surut nopoddi o kouruton do karaja’ popinsusui om osima’ddi do taakanon di don rusod.Yosaya 60:22; 65:13.

  • Isai o pinili’ di Yesus do manahak taakanon di don rusod kumaa tumatanud dau?

  • Poingkukuro dot otorodok om oilo i Susuhuon?