Tolibai kumaa id suang

Tolibai hilo’d table of contents

Sasi-Sasi'd Yohuwah

Pilio boros Dusun

 PALAJARAN 14

Nunu Sisikulon Poinsodia’d montok Porintis?

Nunu Sisikulon Poinsodia’d montok Porintis?

Amerika Syarikat

Id Sisikulan Giliad, Patterson, New York

Monuduk dot iso’ paganakan id Panama

Pinsingilaan Teokratik nopo nga iso o kointutunan do Sasi-Sasi’d Yohuwah. Sikulan dit poinlolobi poinsodia montok porintis dit poimponu maso do popinhabar habar do Pomorintaan do Kinorohingan om ‘asangkad nondo diyolo o karaja do komoyon di popinhabar.’2 Timotius 4:5.

Sikulan Karaja Porintis. Id koompokon dot karaja toun koiso dot porintis pointantu. Iyolo, tondu toi kusai mokisuang id sikul onom tadau i’t pohoroon id Walai Titimungon dit poinsomok. Tujuan nopo’d ti nga kouhup diyolo’d koinsomok di Yohuwah, om kosiliu noh yolo’d popinlombus dit osorisid om kotilombus nogi o kotorodokon diyolo.

Sikulan Popinhabar. Sikulan duo tulan diti winonsoi popinsingubas dit porintis dit nongoubas i’t asanangan do tumongkiad mantad koiyonon diyolo om kumaraja’d hombo nopo. Boros ka diyolo, “hiti oku noh! potodo oku noh!” i noomitan diyolo mantad di Yesus Kristus i popinhabar dit abantug hiti’d pomogunan. (Yosaya 6:8; Yohanis 7:29) Minsodu mantad koiyonon nopo nga kohompit nogi ot koposi-posion dit ula-ula noh. Koubasanan, kaadadaho, taakanon nga nokosuai no’ddi. Koboboroson nga wagu. Sikul diti nga kouhup do tondu om kusai dit tanakwagu om sumandak om i nangkasawo di kiumur dot 23 gisom 65, kaanu’d kasarahan tosonong ih kouhup diyolo soira korikot om milo nondo gunaon di Yohuwah om organisasi dau.

Sikulan Gilead Watchtower Bible. Id boros dot Ibrani, korotion nopo’d “Gilead” nga “Nuntunan do Sasi.” Mantad di kinotimpunan do Gilead di toun 1943, lobi’d 8,000 tulun do nakapaas om pinaatod sobaagi missionaris do papahabar gisom do hilo’d tisan do pomogunan. (Susui 13:47) Soira nokorikot i kapapaas do hilo’d Peru, aiso poh sidang do hilo. Baino lobi no’d 1,000. Soira nokorikot o missionaris toko hilo’d Jepun, amu i korikot dot hopod o Sasi’d hilo. Baino lobi no’d 200,000 tulun. Limo tulan pinsingilaan Gilead kohompit o mingsingilo’d Baibol. Iri nopo pakaraja’d porintis poinlolobi toi missionaris, i hilo raan do opis, toi ko i pakaraja minsorili nga alapon nogi do moi sikul do hiti montok minsingubas do moguhup do popoundar om papagaras do karaja’d sompomogunan.

  • Nunu ot tujuan dot sikulan karaja porintis?

  • Montok disai sikulan popinhabar dot winonsoi?