Tolibai kumaa id suang

Tolibai hilo’d table of contents

Sasi-Sasi'd Yohuwah

Pilio boros Dusun

 PALAJARAN 6

Nunu Kasanangan do Monokiambalut Tambalut Kristian?

Nunu Kasanangan do Monokiambalut Tambalut Kristian?

Madagascar

Norway

Lubnan

Itali

Mulong piya dot araat o kowoowoyoon do tawan ko’ maya’ id gowuton, rumikot kasari iyahai id monikid pitimungan. Om mulong piya do monoguang kobolingkangan ko’ ohuyan do sangadau kumaraja’, nga’ nokuro tu’ tumotos kasari o Sasi-Sasi’d Yohuwah do monokiambalut do koombolutan Kristian?

Monguhup dahai do monoguang kobolingkangan id koposion. Monuhu i Paulus dati’ do ‘mogipadul-padul’ id sidang. (Ibrani 10:24) Komoyon nopo diti nga’ mositi no do momusou kopio om mintutun toko’d tulun suwai. Nung mintutun do tambalut Kristian do suwai, nga’ koilo toko’ indo do haro i diyolo i nokotoguang do kosusaan di miagal dati’. Om ouhupan toko’ indo diyolo do monoguang di dati’d kosusaan.

Monguhup dahai do momonsoi piombolutan di poingompus. Id pitimungan dahai, mogititimung iyahai miampai koombolutan dit otopot. Suwai ko’ id pitimungan, mogihum nogi iyahai kosiwatan do mogiaamung do momonsoi dit ongosonong. Nunu ot aanu dahai mantad pogiombolutan miagal diri? Kopinsingilo iyahai poingkuro do mongunsikou’d tulun suwai om kogirot nondo o piombolutan dahai. Soira’ haro o kikosusaan, poinsodia’ no iyahai do monguhup tu’ haro no o piombolutan dit ogirot. (Boros dot Aralom 17:17) Popokito iyahai do mogipadul-padul iyahai soira’ monokiambalut iyahai koinsanai’d tulun id sidang.1 Korintus 12:25, 26.

Mongunsub iyahai diya’ do momili’ tambalut di momonsoi’d korohian di Yohuwah. Koihum ko’d tambalut miagal diri id pogialatan do Sasi-Sasi’d Yohuwah. Kada pologoso nunu-nunu mangantob diya’ monokiambalut dahai.

  • Nokuro tu’ pusohon dahai kopio o piombolutan id pitimungan?

  • Soira’ ko do tumimpuun do mintutun tongoulun id sidang dahai?