Tolibai kumaa id suang

Tolibai hilo’d table of contents

Sasi-Sasi'd Yohuwah

Pilio boros Dusun

 PALAJARAN 11

Nokuro tu’ Mongoi Iyahai id Pitimungan Tagayo?

Nokuro tu’ Mongoi Iyahai id Pitimungan Tagayo?

Mexico

Jerman

Botswana

Nicaragua

Itali

Intangai pogi kaarapadan id turos dilo tongoulun. Maso diyolo do mogititimung id iso’ o pitimungan tagayo dahai. Miagal tulun di songonuon di Yohuwah di laid, i sinuhu do mogititimung dot intolu’d sontoun, iyahai nga’ magandad do mogititimung id pitimungan tagayo. (Ponugutan 16:16) Tikid toun, haro o tolu kaantakan, duo ot iso tadau pitimungan posorili om tolu tadau konvensyen watas. Nunu o kasanangan taanu dahai mantad koinsanai’d pitimungan tagayo diti?

Popogirot pogiobpinaian Kristian dahai. Miagal tulun Israil dit ongoondos do tumuku’ di Yohuwah “hiri’d pitimungan,” iyahai nga’ oondos do mogititimung do tumuku’ Dau id pitimungan dit agayo. (Sinding 26:12; 111:1) Pitimungan diti manahak dahai do kosiwatan do mogiruruba om mogiaambalut miampai sasi’ mantad sidang ko’ pogun do suwai. Id pitangaadau, ongooropod iyahai do mogitotorungak do makan id kinoiyonon do pitimungan diri. (Winonsoi 2:42) Iti no kosiwatan dahai do momuriman di pogiinsian-sianan di monompuru “tulun di sompi’ ko’ tulun do Kristian” id pointongkop do pomogunan.1 Pitrus 2:17.

Monguhup paparalom do kosuhutan dahai do Baibol. Kaanu o tulun dot Israil do kasanangan tu’ ‘osuhutan kopio diyolo o komoyon’ dit ayat di pinatarang dot id diyolo. (Nohomia 8:8, 12) Iyahai nga’ ounsikou kopio di ponudukan do Baibol dit aanu dahai id pitimungan. Koinsanai di pinsingilaan nga’ pinoimpou dot id iso’ ot ayat do Baibol. Kopinsingilo iyahai poingkuro tumanud ponuhuan di Yohuwah id koposion maya’d carama, pokitanan dit oniiba, om pibarasan di kagayat do ginawo. Oodsuur iyahai soira’ korongou tobpinai dahai nokotolibamban do kosusaan id koposion sabaagi’d tulun Kristian id maso dot osusa diti. Id konvensyen watas di tolu o tadau, haro o pokitanan pasal do susui mantad Baibol di monuduk om manahak dahai’d kasanangan. Koinsanai do pitimungan tagayo nga’ haro o pomotisan kumaa diyolo di manu do sumiliu do tulun di songonuon di Yohuwah.

  • Nokuro tu’ aramai kopio o pitimungan tagayo?

  • Poingkukuro ko do kaanu’d kasanangan soira’ rumikot dot id pitimungan tagayo?