Tolibai kumaa id suang

Tolibai hilo’d table of contents

Sasi-Sasi'd Yohuwah

Pilio boros Dusun

 PALAJARAN 5

Nunu ot Opinsingilaan Nu id Pitimungan Dahai?

Nunu ot Opinsingilaan Nu id Pitimungan Dahai?

Argentina

Sierra Leone

Belgium

Malaysia

Ogumu o tulun tuminingkod mongoi amung pitimungan di don tugama tu’ aiso’ o ponudukan om koinsasamadan taanu diyolo. Nga’ nokuro tu’ mositi ko’d mongoi id pitimungan do Sasi-Sasi’d Yohuwah? Nunu ot opinsingilaan nu hilo?

Kaanu kaarapadan tu’ korolot tulun dit obinsian om opusou. Tulun Kristian di timpuun i’ mogititimung sabaagi iso’ o sidang do sumambayang dot id Kinorohingan, minsingilo’d Baibol, om mogiodsuur-suur. (Ibrani 10:24, 25) Id pitimungan dit osimbayan, opurimanan diyolo dot id pogialatan iyolo do tambalut dit otopot om miagal do tobpinai. (2 Tosolunika 1:3; 3 Yohanis 14) Iti no ot omitan dahai, om iyahai’ddi nga’ kopuriman do kaarapadan miagal diyolo.

Kaanu kasanangan do kopinsingilo poingkuro tumanud ponudukan do Baibol. Miagal di pogulu po id timpu do Baibol, kusai, tondu, om tangaanak nga’ mogititimung. Mamakai do Baibol o guru dit osorupai do monguhup dahai mongilo poingkuro tumanud ponudukan do Baibol id koposion dahai monikid tadau. (Ponugutan 31:12; Nohomia 8:8) Koinsanai’d tulun nga’ milo do tumanud do pogibabarasan om modsinding do popointalang ponongkuyaan diyolo.Ibrani 10:23.

Kaanu do barakat tu’ kogirot o kotumbayaan kumaa Kinorohingan. Minomisunud i rasul Paulus dit iso’ o sidang id timpu dau, ‘Orohian oku no kopio do kosolowot dokoyu om kopogisokodung-kodung toko’ indo.’ (Rum 1:11, 12) Id pitimungan, pogibabarasan toko’ miampai tulun suwai popogirot kotumbayaan om ginawo toko’ do masi id kowoowoyoon di don Kristian.

Rikot no id pitimungan dahai dit abantalan om purimono no koinsanai diti ngai’. Piandad-andad dahai o korikatan nu. Aiso’ o bayaran id monikid pitimungan.

  • Nunu kowoowoyoon do pitimungan di nomitan dahai?

  • Nunu kasanangan aanu dati’ do rumikot id pitimungan?