Tolibai kumaa id suang

Tolibai hilo’d table of contents

Sasi-Sasi'd Yohuwah

Pilio boros Dusun

 PALAJARAN 7

Poingkukuro o Pitimungan Dahai?

Poingkukuro o Pitimungan Dahai?

New Zealand

Jipun

Uganda

Lithuania

Koubasanan nopo id pitimungan Kristian di laaid nga’ modsinding, sumambayang, mambasa om mogiboboros iyolo pasal dot ayat Baibol. Aiso’ o maan do suwai ko’ mantad diri. (1 Korintus 14:26) Miagal diri no id pitimungan dahai.

Ponudukan di kikasanangan om pinoimpou’d Baibol. Id kooiyon do minggu, monikid sidang nga’ haro o pitimungan miampai carama Baibol di papatarang poingkuro tumanud ponudukan do Baibol id koposion dati’ monikid tadau, solinaid 30 o minit. Koinsanai dati’ nga’ odsuuron do tumanud di pambasaan ayat Baibol id Baibol sondiri. Aayi’ iri nga’ haro nondo o Pinsingilaan “Padtamangansolinaid sajaam. Koinsanai di ruminikot nga’ milo do tumanud pogibabarasan mantad do majala Padtamangan. Pogibabarasan diti monguhup dati’ do tumanud ponudukan do Baibol id koposion dati’. Miagal ot uhu di pinsingilaan id koinsanai’d sidang id pointongkop do pomogunan it ogumu mantad ko’ 110,000.

Ouhupan iyahai do poposonong ponunuduk. Suwai mantad ko’ id kopupuson do minggu, tumimung nogi iyahai id iso’ o kosodopon do minsingilo tolu o bohogian do pinsingilaan. Miampai’d tulu Koposion Kristian om Popinhabaran, it pinoimpou’d kakamot pinosodia monikid tulan Koposion om Popinhabaran Buuk Karaja. Pitimungan koiso, Dapu id Suang Boros do Kinorohingan, monguhup dati dot oubas do boogian Baibol dit nabasa mantad sidang. Sumusuhut, Siliu no’d Popinhabar dit Abaal, poinghompit demonstrasi poingkuro’d pibarasan o Baibol miampai’d suai tulun. Iso’ o ponosihat mogontong om monguhup do popoingkawas pamamasa om pomomoros diyolo. (1 Timotius 4:13) Id boogian kolimpupuson, Koposion Kristian toko popokito’d ralan do tumanud dot ponontudukan Baibol id koposion monikid tadau. Iti kohompit o pogibabarasan kokomoi’d poguhatan om sismbar dit kaparalom do toilaan toko do Baibol.

Oimayaan ko nondo’d kosonongo’ do pinsingilaan Baibol dit aanu nu soira’ rumikot ko id pitimungan dahai.Yosaya 54:13.

  • Nunu ot opinsingilaan nu id pitimungan do Sasi-Sasi’d Yohuwah?

  • Honggo o pitimungan dahai id dabantalan di kasanangan nu do rumikot?