Tolibai kumaa id suang

Tolibai hilo’d table of contents

Sasi-Sasi'd Yohuwah

Pilio boros Dusun

 PALAJARAN 16

Nunu Tonggungan do Palayan do Sidang?

Nunu Tonggungan do Palayan do Sidang?

Myanmar

Momonsoi do bohogian id pitimungan

Tongoulun di mongoi popinsusui

Karaja’d popoinsonong kasari do Walai Pitimungan

Id suang do Baibol, haro o duo sompuruan do kusai di kitonggungan id sidang, ‘boyoon om palayan do sidang.’ (Pilipi 1:1) Koubasanan nopo nga’ haro o piipiro tobpinai di kitonggungan id monikid sidang. Nunu o tonggungan do palayan do sidang bagi’d kasanangan dati’?

Monguhup iyolo di tongoponotua do sidang. Haro o tongopalayan do sidang dit otuo om haro nogi it omulok. Koinsanai diyolo nga’ kusai dit ongotuo o pomusarahan, milo’d harapon, om aparu. Id sidang, tongoponotua o monuduk om momogompi’d sidang. Iyolo nopoddi nga’ momonsoi do karaja’ di suwai montok do monokodung di tongoponotua.

Momonsoi iyolo mogisuwaian o karaja’ dit oponting. Haro o palayan do sidang di suhuon do mandad om monginsuwau korikatan do tulun id pitimungan. Haro nogi i mongilo-ilo do sistom tuni, akaun do sidang, popotikid do babasaon, om mangatur do koiyonon do popinsusui bagi’d tongoulun id sidang. Suwai ko’ iri, monguhup iyolo momonsoi’d karaja’ bagi’d popoinsonong kasari do Walai Pitimungan om suhuon nogi kaanto iyolo di tongoponotua do sidang do monguhup di komolohingan. Apatut no kopio do pusohon do sidang o kagaano do ginawo diyolo’d momonsoi’d nunu-nunu karaja’ di ponuhuan.1 Timotius 3:13.

Manahak iyolo do poomitanan tosonong kumaa tulun suwai. Pinili’ o palayan do sidang mantad di kowoowoyoon Kristian diyolo dit osonong. Soira’ momonsoi iyolo nunu-nunu bohogian id pitimungan, kopogirot iyolo’d kotumbayaan toko’. Koporuo diyolo id karaja’ popinsusui mongunsub dati’ do momit diyolo. Ponguhupan diyolo kumaa di tongoponotua do sidang momoruhang do kataadan om piuludan do sidang. (Iposus 4:16) Maid-laid nga’ milo nogi kaanto iyolo do sumiliu’d ponotua do sidang.

  • Poingkuro o kowoowoyoon do palayan do sidang?

  • Poingkuro o palayan do sidang do monguhup momoruhang piuludan id sidang?