Tolibai kumaa id suang

Tolibai hilo’d table of contents

Sasi-Sasi'd Yohuwah

Pilio boros Dusun

Orohian Ko Nangku Momonsoi’d Ponuhuan di Yohuwah?

Orohian Ko Nangku Momonsoi’d Ponuhuan di Yohuwah?

Pounsikou tu’ suminiwat ko do monorisid brosur diti bagi minsingilo isai kopio o Sasi-Sasi’d Yohuwah, nunu o maan dahai, om poingkukuro o tinimungan dahai. Aharap iyahai do nouhupan ko noddi do mongilo dot iyahai no o tongoulun di momonsoi’d ponuhuan do Kinorohingan do baino. Mongodsuur iyahai diya’ do tumilombus minsingilo di Yohuwah, momisunud koobpinaiyan om koombolutan nu nunu i nopinsingilaan nu, om monokiambalut kasari dahai id pitimungan Kristian.Ibrani 10:23-25.

Mumu-gumu ot opinsingilaan nu pasal di Yohuwah, nga’ opurimanan nu nondo dot agayo kopio o kosianan Dau diya’. Mantad diri, oodsuur ko nondo do momonsoi nunu nopo do monginsian kawagu Dau. (1 Yohanis 4:8-10, 19) Nga’ poingkuro ko do popokito’ddi id koposion nu monikid tadau? Nokuro tu’ osonong kopio do tumanud toturan Dau? Om nunu o kouhup diya’ do sitanud dahai do momonsoi’d ponuhuan di Yohuwah? Alansan kopio o guru Baibol nu do monguhup diya’ monorisid sisimbar diri, om iya om paganakan nu nga’ kointirung indo kasari dot “id kosianan do Kinorohingan” solinaid magandad koposion dit otopot kopio om i poingompus.Yudas 21.