Tolibai kumaa id suang

Tolibai hilo’d table of contents

Sasi-Sasi'd Yohuwah

Pilio boros Dusun

 PALAJARAN 18

Poingkuro Iyahai Monguhup Tongotobpinai Dahai di Kikosusaan?

Poingkuro Iyahai Monguhup Tongotobpinai Dahai di Kikosusaan?

Republik Dominika

Jipun

Haiti

Soira’ haro o kosusaan miagal tsunami ko’ luyud, olomus o Sasi-Sasi’d Yohuwah do mangatur do mongoi ponguhup di tongotobpinai diyolo di kikosusaan. Ponguhupan miagal diri popokito’d mogiinsian kopio iyahai. (Yohanis 13:34, 35; 1 Yohanis 3:17, 18) Poingkukuro iyahai’d monguhup diyolo?

Manahak iyahai’d toluod. Soira’d monoglous o hilo’d Yudia, tongoulun Kristian maso di timpuun i’ id Antiokia pinapaatod do nunu nopo i ponguhup miampai nogi do tusin kumaa tongotobpinai Kristian diyolo’ddi. (Winonsoi 11:27-30) Iyo nogiddi, soira’ orongou dahai’d haro tobpinai dahai di kikosusaan id honggo-honggo koiyonon, paatod iyahai’d tusin maya’ sidang momogun do momogompi kosusukupan diyolo.2 Korintus 8:13-15.

Momonsoi iyahai nunu nopo di kouhup diyolo. Ponotua di hiri’d kinoiyonon di kikosusaan mogihum do tongoulun id sidang do mongilo nung ososonong iyolo ngai’. Iso’ o sinompuruan do boyoon mangatur do papaatod taakanon, waig tiinumon, pakayan, pongusapan, om tiyonon. Ogumu sasi’ di kitoilaan mamakai’d balansa sondiri do mongoi amung do monguhup ko’ mononong tongowalai om Walai Pitimungan di naraag. Pisompuruan dahai om toilalaan di notimung dahai’d maso mogiuuhup popolomus dahai’d rumikot do monguhup soira’ haro o kosusaan. Mulong piya do monguhup iyahai’d “tobpinai toko’ di sompi’ ko’ iso-iso’ o kinotumbayaan,” nga’ nung milo, monguhup iyahai nogi’d tulun suwai mulong do nunu nopo o tugama diyolo.Galatia 6:10.

Manahak iyahai ponginsasamadan. Ponginsasamadan no o pokionuon kopio do tulun di kikosusaan. Id maso’ddi, kaanu iyahai do kokorisan mantad di Yohuwah, i ‘popogirot kasai’ do ginawo,’ maya’d Baibol. (2 Korintus 1:3, 4) Orohian iyahai’d poposunud batos do Baibol kumaa tulun di noromuk o ginawo, momisunud diyolo dot oruhai no korikatan do Pomorintaan di Yohuwah di momupus koinsanai’d koinggoritan om koihadan.Pinointalang 21:4.

  • Nokuro tu’ milo o Sasi-Sasi’ dot olomus mongoi ponguhup soira’ haro o kosusaan?

  • Nunu ponginsasamadan mantad Baibol di milo dahai do posunudon kumaa tongoulun di kikosusaan?