Tolibai kumaa id suang

Tolibai hilo’d table of contents

Sasi-Sasi'd Yohuwah

Pilio boros Dusun

 PALAJARAN 1

Isai o Sasi-Sasi’d Yohuwah?

Isai o Sasi-Sasi’d Yohuwah?

Denmark

Taiwan

Venezuela

India

Piro o Sasi-Sasi’d Yohuwah dit otutunan nu? Haro doti’ dahai o sombol nu, tambalut id karajaon, om tambalut id sikulan nu. Nokoumbal iyahai nogi doti’ do poposunud pasal do Baibol kumaa diya’. Isai kopio iyahai, om nokuro tu’ popinsusui iyahai do kotumbayaan dahai?

Tulun toomod iyahai. Ruminikot iyahai mantad mogisusuwai o tinaru om kaadat-adato. Haro dahai o mantad mogisusuwai o tugama om haro nogi it a’ otumbayaan do Kinorohingan. Koinsanai dahai dit a’ po nokosiliu do Sasi’ nga’ minonorisid ponudukan do Baibol. (Winonsoi 17:11) Kaakun iyahai di nopinsingilaan dahai, om montok diri pomili’ddi iyahai do tumuku’ di Yohuwah, i Kinorohingan.

Ogumu kasanangan aanu dahai soirad minsingilo’d Baibol. Miagal tulun suwai, iyahai nga’ monoguang do kosusaan om koluhayan sondiri. Nga’ nokoingkawas o kopooposion dahai soira’ mumbal iyahai do tumanud ponudukan do Baibol id koposion dahai monikid tadau. (Sinding 128:1, 2) Iri no ot iso’ koposunudan dahai kumaa tulun suwai do kasanangan noilaan dahai mantad Baibol.

Tumanud iyahai ponudukan do Kinorohingan id koposion dahai. Ponudukan do Kinorohingan id suang do Baibol monguhup dahai manganu’d kasanangan, mongodsuur do sumonong, tumulid, om momusou do tulun suwai. Ponudukan diti monguhup momonsoi tinimungan dit olidas om kiguna, om mongunsub paganakan do mogiulud-ulud om masi id koposion dit olidang. Mogisosompuru iyahai id iso’ o sompiiyon di don rusod mulong piya do mogisusuwai o bansa, boros, om pomogunan tu’ otumbayaan iyahai do Kinorohingan nopo om a’ i’ manampaping. Koimoyo’ kopio o sompiiyon dahai mulong piya do tulun iyahai toomod.Winonsoi 4:13; 10:34, 35.

  • Nunu o piagalan do Sasi-Sasi’d Yohuwah om tulun do suwai?

  • Nunu katapatan toponting dit oilaan do Sasi-Sasi’d Yohuwah soira’ minsingilo’d Baibol?