Isai Momonsoi Ponuhuan di Yohuwah do Baino?

Haro o Sasi-Sasi’d Yohuwah id pointongkop do pomogunan, om mantad iyolo id mogisuwaian o tinaru om kaadat-adato. Nunu o minonompuru do tongoulun di mogisuwaian diti?

Nunu o Ponuhuan do Kinorohingan?

Manu o Kinorohingan dot oilaan i pokiwawansayan Dau id pointongkop do pomogunan. Nunu o pokiwawansayan Dau, om isai o monuduk pasal diri do baino?

Isai o Sasi-Sasi’d Yohuwah?

Piro o Sasi-Sasi’d Yohuwah dit otutunan nu? Nunu ot oilaan nu kopio pasal dahai?

Nokuro tu’ Roitan Iyahai do Sasi-Sasi’d Yohuwah?

Ilaai tolu sabap nokuro tu’ minamakai iyahai do ngaran Sasi-Sasi’d Yohuwah.

Poingkuro’d Noihum Kawagu o Katapatan do Baibol?

Poingkuro toko’ do mongilo nung iyo do ponudukan do Baibol o kosuhutan dati’?

Nokuro tu’ Pinapadalin Iyahai do Baibol?

Nokuro tu’ a’ miagal do solinan do suwai o solinan Baibol diti?

Nunu ot Opinsingilaan Nu id Pitimungan Dahai?

Mogititimung iyahai bagi’d minsingilo do Baibol om mogiodsuur-suur. Piandad-andad dahai o korikatan nu.

Nunu Kasanangan do Monokiambalut Tambalut Kristian?

Mongunsub o Baibol do tulun Kristian do mogititimung. Pinsingilo poingkuro ko do kaanu’d kasanangan mantad pogititimungan miagal diti.

Poingkukuro o Pitimungan Dahai?

Nokoumbal ko nangku’d momusorou ondung nunu o maan dahai id pitimungan dahai? Oimayaan ko moti kopio do kosonongo’ do pinsingilaan Baibol dit aanu nu soira’ rumikot ko id pitimungan dahai.

Nokuro tu’ Pusohon Dahai Kopio o Panampakai Soira’ Mongoi id Pitimungan?

Oponting nangku o panampakai toko’ bagi’d Kinorohingan? Pinsingilo nunu o toturan do Baibol di momoyo’ dati’ do momili’d pakayan om pomolumis.

Poingkuro Sumodia Bagi’d Pogibabarasan id Monikid Pitimungan?

Sumodia tintod mongoi pitimungan monguhup dati do manganu’d isomuli di lobi ogumu.

Nunu o Sambayang Paganakan?

Ilaai poingkuro o toturan diti monguhup diya’ do minsomok di Yohuwah om popogirot piobpinaian id paganakan nu.

Nokuro tu’ Mongoi Iyahai id Pitimungan Tagayo?

Monikid toun, haro o tolu toturan do pitimungan tagayo dahai. Nunu o kasanangan taanu nu mantad koinsanai pitimungan tagayo diti?

Poingkuro do Winoyo’ o Karaja’ do Popinsusui Dahai?

Tumanud iyahai do poomitanan di pinokito di Yesus maso dau hiti’d pomogunan. Poingkuro karalan-ralano do piipiro o pomomonsoi do karaja popinsusui diri?

Nunu o Porintis?

Piipiro o Sasi-Sasi’d Yohuwah popotobilang do 30, 50, ko’ lobi’ o maso monikid tulan bagi’d momonsoi do karaja popinsusui. Nunu o minongodsuur diyolo?

Nunu Sisikulon Poinsodia’d montok Porintis?

Nunu pinsingubasan dit poinlolobi poinsodia montok porintis dit poimponu maso do popinhabar habar do Pomorintaan do Kinorohingan?

Poingkuro o Tongoponotua Mongobi-obi do Sidang?

Tongoponotua do sidang nopo nga’ kusai dit ongotuo o pomusarahan. Iyolo no o momoyo’ om momogompi do tongoulun id sidang. Poingkuro iyolo do monguhup dati’?

Nunu Tonggungan do Palayan do Sidang?

Monguhup o palayan do sidang do momoruhang piuludan id sidang. Pinsingilo poingkuro o karaja di wonsoyon diyolo do kapanahak dati’d kasanangan soira rumikot toko’ id pitimungan.

Poingkuro o Ponyolia Posorili Monguhup Dati?

Nokuro tu kumakap o ponyolia posorili do tongosidang? Poingkuro ko do kaanu’d kasanangan soira kumakap iyolo?

Poingkuro Iyahai Monguhup Tongotobpinai Dahai di Kikosusaan?

Soira’ haro o kosusaan miagal tsunami ko’ luyud, olomus iyahai’d mangatur do mongoi ponguhup ko’ manahak ponginsasamadan. Poingkuro?

Isai o Susuhuon dit Otorodok om Oilo?

Nakabatos i Yesus do momili iyau do susuhuon di manahak do taakanon di don rusod id maso dit koontok. Poingkuro’d owonsoi iti?

Nunu Wowonsoyon do Sompuruan Boyoon do Momoyo’ do Baino?

Id tabad koiso’, haro o sompuruan do boyoon om rasul di mongilo-ilo sabaagi sompuruan boyoon do momoyo’ bagi’d sidang Kristian. Poingkukuro do baino?

Nunu o Baitol?

Baitol nopo nga’ iso’ o kinoiyonon bagi’d momonsoi dot iso’ o hontolon dit oponting kopio. Pinsingilo do lobi ogumu nung isai o kumaraja hilo.

Nunu o Wonsoyon id Tupis do Sasi-Sasi’d Yohuwah?

Koinsanai nga’ milo do kumakap om montong do honggo-honggo o tupis dahai. Kakap kou no!

Poingkuro do Winonsoi om Pinadalin o Kakamot Babasaon Dahai?

Momonsoi iyahai do kakamot babasaon id lobi’ mantad ko’ 750 o boros. Nokuro tu’ momonsoi iyahai miagal diri?

Poingkuro do Pakayon o Toluod Montok Karaja’ Sompomogunan Dahai?

Nung pasal do kousinan, nunu o poposuwai do tugama dahai mantad tugama do suwai?

Nokuro om Poingkuro do Winonsoi o Walai Pitimungan?

Pungaranan dahai i koiyonon dahai do tumuku’d Kinorohingan do Walai Pitimungan. Pinsingilo do lobi’ ogumu poingkuro o koiyonon dit a’ adalaan o kogoyoo’ om pongillumis diti do kouhup tongoulun id sidang dahai.

Poingkuro Toko’ do Monguhup Momiara do Walai Pitimungan?

Walai Pitimungan dit olidang om osonong o pomimiara nopo nga’ mamarayou do Kinorohingan toko’. Nunu o toturan do momiara do Walai Pitimungan momogun?

Nunu Kasanangan do Kakamot Babasaon id Walai Pitimungan?

Orohian ko nangku do momonsoi’d ponoriukan do popoingkawas toilalaan nu do Baibol? Nung irad diri om ongoi no id Walai Pitimungan!

Nunu o Haro id Laman Web Dahai?

Milo ko do minsingilo lobi’ ogumu pasal dahai, kotumbayaan dahai, om sisimbar do ponguhatan nu pasal do Baibol.

Orohian Ko Nangku Momonsoi’d Ponuhuan di Yohuwah?

Osianan kopio i Yohuwah diya’. Poingkuro ko’d popokito do sipapasanang ko’d ginawo Dau id koposion nu monikid tadau?