Tolibai kumaa id suang

Tolibai hilo’d table of contents

Sasi-Sasi'd Yohuwah

Pilio boros Dusun

 BOOGIAN 3

Poingkuro Kinoposi-posion di Timpuun i’?

Poingkuro Kinoposi-posion di Timpuun i’?

Noonuan di Yohuwah i Adam om i Hawa toinsanan o kosukup-sukupan diyolo. Kinawansayan 1:28

Winonsoi di Yohuwah tondu di kumoiso i’ Hawa om pinatahak Dau di Adam do maan do sawo.​—Kinawansayan 2:21, 22.

Noonuan di Yohuwah iyolo pomusarahan om tinan dit otulid kopio.

Poingiyon iyolo id Kabun dot Idon dit olumis kopio miampai kiharo bawang, guas do kouwaan om nintorusan.

Nokoboros i Yohuwah kumaa diyolo; tinudukan Dau iyolo. Nung minokinongou daa iyolo, nga apasi iyolo sogisom-gisom id pomogunan dit olumis.

 Minomisunud i Kinorohingan do kada pangakan tuwa mantad iso o kayu id kabun dii. Kinawansayan 2:16, 17

Pinokito di Yohuwah i Adam om i Hawa iso guas do tuwa id kabun dii, om sinunudan Dau iyolo dot nung akanon nopo diyolo i tuwa mantad guas dii nga apatai iyolo.

Suminaap it iso o moloikat di Kinorohingan, om moloikat nopoddi nga i roitan do Rogon.

Mada i Rogon do tumanud i Adam om i Hawa di Yohuwah. Pinakai dau iso tulanut do momisunud di Hawa dot nung akanon i tuwa nga a’ iyau matai om kaagal nogindo kaka do Kinorohingan i Hawa. Nga otopot nopo nga tudut ngai’ iri.​—Kinawansayan 3:1-5.