Tolibai kumaa id suang

Sasi-Sasi'd Yohuwah

Pilio boros Dusun

Nunu o Pomorintaan do Kinorohingan?

Nunu o Pomorintaan do Kinorohingan?

Iti nangku sisimbar nu . . .

  • id suang do ginawo nu?

  • miagal do boroson nopo?

  • toi’ ko pomorintaan hilo’d surga?

 NUNU ID BAIBOL

‘Popoingkakat i Kinorohingan i hilo’d surga do pomorintaan dit a’ milo dot opupusan do gisom dot alaid om a’ insan dot aala’.’Daniol 2:44, Buuk do Kinorohingan do Boros do Dusun.

‘Noonuan toko’ nod iso’ o tanak do kusai. Om iyau no o sumiliu do boyoon toko’.’Yosaya 9:6.

MONGUHUP O BAIBOL DIYA

  • Mongintuntun dot iso o pomorintaan di kaanu do poposonong diya.Yosaya 48:17, 18.

  • Magandad koposion dit olidas om asanang dot id pomogunan wagu.Pinointalang 21:3, 4.

 OTUMBAYAAN TOKO’ TOI’D BOROS DO BAIBOL?

Obuli. Haro duo sabab:

  • Pinopokito i Yesus dot nuu maan do pomorintaan Kinorohingan wonsoiyo. Minonuduk i Yesus dit tutumanud dau do sumabayang dot rumikot daa o pomorintaan dot Kinorohingan hiti pomogunan. (Matius 6:9, 10) Popokito nogi i Yesus poingkuro’d osimbar ot sambayang diti.

    I maso pod hiti’d pomogunan i Yesus, pinapaakan yau tulun di louson, minomolingos tulun sumakit om minonungag tulun napatai! (Matius 15:29-38; Yohanis 11:38-44) I Yesus, Raja’d pomorintaan Kinorohingan dit abantalan, minopokito’d nunu o mangan dau wonsoiyo.Pinointalang 11:15.

  • Kowoyo-woyoon pomogunan popokito do oruhai no korikatan do pomorintaan Kinorohingan. Nokoboros i Yesus dot haro misangod, mononglous om gumuyu o tana i a’ po korikot o kolumaagan diti pomogunan.Matius 24:3, 7.

    Kiton-kitonon toko’d baino ti. Om otumbayan toko’d maan do pomorintaan Kinorohingan impupusai koinsanai’d koinggoritan.

 MAAI SOROHO’

Poingkuro koposion id suang pomorintaan dot Kinorohingan?

Sisimbar do Baibol nopo nga aanu id SINDING 37:29 om YOSAYA 65:21-23.