Tolibai kumaa id suang

Sasi-Sasi'd Yohuwah

Pilio boros Dusun

Opupusan Nangku o Koinggoritan?

Opupusan Nangku o Koinggoritan?

Nunu tosorou nu . . .

  • oo?

  • amu?

  • matuu?

 NUNU KA DO BAIBOL

‘Pihidan nondo do Kinorohingan o koinsanai’d romou do mato diyolo’, om aiso’ nondo o kapatayon, katangaban, koihadan, om toruol.’Pinointalang 21:3, 4, Buuk do Kinorohingan do Boros do Dusun.

NUNU RATI DIRI MONTOK DIYA’

Monguhup dati’ mongilo dot a’ mogumbal o Kinorohingan dati’.Yakub 1:13.

Mongisasamod dati’ tu’ oilaan toko’d opusou kopio o Kinorohingan dati’.Sakaria 2:8.

Manahak kaharapan dot opupusan nondo o koinggoritan.Sinding 37:9-11.

 MILO TOKO’ NANGKU’D OTUMBAYAAN DO BAIBOL?

Oo, montok 2 o paantakan:

  • Araatan tomod o Kinorohingan do koinggoritan om koinsanai dit a’ otulid. Soroho’ poingkuro topurimanan di Yohuwah soira inggoriton tongoulun Dau id timpu do Baibol. Ka do Baibol om osianan kopio Iyau do tongoulun Dau dit “inggoriton om udiponon.”Gompomutus 2:18.

    Araatan tomod i Yohuwah do tulun di pokoruol do tulun suwai. Sabaagi suntu, ka do Baibol om araatan tomod Iyau do “longon di mamatai’d tulun dot aiso’ o sala’.”Boros dot Aralom 6:16-19.

  • Opusou tomod o Kinorohingan do monikid dati’. Monuhu i Yohuwah do papatahak koinsanai’d katangaban dati’ dot id Dau tu’ ‘mamadul i’ Iyau dati’.’1 Pitrus 5:7.

    Oruhai no do gunaon di Yohuwah o pomorintaan Dau do momupus koinggoritan dati’ oinsanan. (Matius 6:9, 10) Daamot nopoddi om insasamadan Dau o tulun dit osiriba o ginawo do mogihum Dau.Winonsoi 17:27; 2 Korintus 1:3, 4.

 MAAN SOROHO’

Nokuro tu’ pologoson do Kinorohingan o koinggoritan?

Haro sisimbar do Baibol id RUM 5:12 om 2 PITRUS 3:9.