Tolibai kumaa id suang

Sasi-Sasi'd Yohuwah

Pilio boros Dusun

Isai Kopio Momorinta Diti Pomogunan?

Isai Kopio Momorinta Diti Pomogunan?

Isai tosorou nu . . .

  • Kinorohingan?

  • tulun?

  • Rogon?

 NUNU KA DO BAIBOL

“Id suang ngai’ do pomorintaan di Yaraat o pointongkop diti pomogunan.”1 Yohanis 5:19.

“Iri no o kinorikatan di Tanak do Kinorohingan tu’ mongoi pamaraag di karaja’ do Rogon.”1 Yohanis 3:8, Buuk do Kinorohingan do Boros do Dusun.

NUNU RATI DIRI MONTOK DIYA’

Monguhup dati’d mamarati nokuro tu’ ogumu o kobolingkangan hiti’d pomogunan.Pinointalang 12:12.

Manahak kaharapan do sumonong nondo iti pomogunan toko’.1 Yohanis 2:17.

 MILO TOKO’ NANGKU’D OTUMBAYAAN DO BAIBOL?

Oo, montok 3 o paantakan:

  • Pupusan nondo o pomorintaan di Rogon. Natantu no di Yohuwah do momupus do pomorintaan di Rogon dot id tongoulun. Minamatos Iyau do ‘mangala’ di Rogon,’ om mononduli kawagu koinsanai di rinaag di Rogon.Ibrani 2:14.

  • Nopili no do Kinorohingan i Yesus Kristus sabaagi pomorinta diti pomogunan. A’ miagal i Yesus do pomorinta diti pomogunan do baino dit araat om momusorou no do dau’d tinan. Minomoros o Kinorohingan pasal do pomomorinta di Yesus: ‘Osianan i’ Iyau di tulun dit oluhoi om mosikin . . . Poiduwon i’ Dau iyolo’ do mantad id tulun di mongulok-ulok om mantad id tulun dit ongorongit.’Sinding 72:13, 14.

  • A’ milo do mongudut o Kinorohingan. Boros ka do Baibol nga “A’ i’ kopio o Kinorohingan milo do mongudut.” (Ibrani 6:18) Soira do mamatos i Yohuwah nga silihon kopio Dau o batos Dau! (Yosaya 55:10, 11) Maan nondo ‘alao i boyoon diti pomogunan.’Yohanis 12:31.

 MAAN SOROHO’

Poingkukuro o pomogunan soira oidu o pomorinta dinondo?

Haro sisimbar do Baibol id SINDING 37:10, 11 om PINOINTALANG 21:3, 4.