Tolibai kumaa id suang

Sasi-Sasi'd Yohuwah

Pilio boros Dusun

Nunu Pomusarahan nu Pasal Koposion id Dosunsudan?

Nunu Pomusarahan nu Pasal Koposion id Dosunsudan?

Pomogunan toko’ nopondo nga . . .

  • miagal i’ kasari?

  • rumaat?

  • sumonong?

 NUNU KA DO BAIBOL

‘Om pihidan nondo do Kinorohingan o koinsanai’d romou do mato diyolo’. Om aiso’ nondo o kapatayon, katangaban, koihadan, om toruol. Nangatanus ngai’ no it id gulu.’​—Pinointalang 21:3, 4, Buuk do Kinorohingan do Boros do Dusun.

NUNU RATI DIRI MONTOK DIYA’

Karaja dit manahak do kaandasan om kosontob do ginawo.​—Yosaya 65:21-23.

Aiso’ nondo o kapatayon om koinggoritan.​—Yosaya 25:8; 33:24.

Koposion dit asanang om poingompus miampai tobpinai om koombolutan.​—Sinding 37:11, 29.

 MILO TOKO’ NANGKU’D OTUMBAYAAN DO BAIBOL?

Oo, montok 2 o paantakan:

  • Kikuasa o Kinorohingan do poposiliu di batos Dau. Ka do Baibol om i Yohuwah nopo nga Kinorohingan dit ‘Agayo Kopio o Kuasa.’ (Pinointalang 15:3) Iri noddi do milo’ Iyau poposiliu di batos Dau do popoinsonong diti pomogunan toko’. Boros ka do Baibol nga “milo ngai’ id Kinorohingan do wonsoyon.”​—Matius 19:26.

  • Pokisisilihon do Kinorohingan i batos Dau. Sabaagi’d suntu, “olisiu” kopio i Yohuwah do mamasi kawagu’d tulun di nangapatai.​—Ayub 14:14, 15.

    Boros ka do Baibol nga orohian i Yesus, Tanak do Kinorohingan, do momolingos do tulun di kitoruol. (Markus 1:40, 41) Miagal di Tapa dau, i Yesus nga siuhup kopio do tulun di kikosusaan.​—Yohanis 14:9.

    Oilaan toko’ do siuhup kopio i Yohuwah om Yesus dati’ do manganu’d koposion dit asanang!​—Sinding 72:12-14; 145:16; 2 Pitrus 3:9.

 MAAN SOROHO’

Poingkuro o Kinorohingan do popoinsonong diti pomogunan toko’?

Haro sisimbar do Baibol id MATIUS 6:9, 10 om DANIOL 2:44.