Tolibai kumaa id suang

Tolibai hilo’d table of contents

Sasi-Sasi'd Yohuwah

Pilio boros Dusun

 PALAJARAN 7

Nunu o Pomorintaan do Kinorohingan?

Nunu o Pomorintaan do Kinorohingan?

1. Nunu o Pomorintaan do Kinorohingan?

Nokuro tu’ osorupai kopio i Yesus do sumiliu’d raja’?​—MARKUS 1:​40-42.

Pomorintaan do Kinorohingan nopo nga’ pomorintaan hilo’d surga. Iti no pomorintaan di mongolon koinsanai pomorintaan do suwai om popowonsoi korohian di Yohuwah hilo’d surga om hiti’d pomogunan. Osonong kopio o habar diti tu’ a’ no alaid do pohubayaan nondo do pomorintaan diri o koinsanai’d kosusukupan do tongoulun. Pogisosompuruon nondo do pomorintaan diti o koinsanai’d tulun id pomogunan.​—Basao’ Daniol 2:44; Matius 6:​9, 10; 24:14.

Pinili’ di Yohuwah o Tanak Dau, i Yesus Kristus do sumiliu’d Raja’ do Pomorintaan Dau.​—Basao’ Pinointalang 11:15.

Intangai video diti Nunu O Pomorintaan Do Kinorohingan?

2. Nokuro tu’ osorupai kopio i Yesus do sumiliu’d raja’?

Osorupai kopio i Yesus do sumiliu’d raja’ tu’ osonong om ogirot iyau do monokodung katapatan. (Matius 11:28-30) Suwai ko’ iri, kikuasa’ iyau do monguhup tulun tu’ momorinta iyau pomogunan mantad hilo’d surga. Pinasi kawagu iyau om ongoi’ddi iyau hilo’d surga, om irikau no iyau id dawananan di Yohuwah. (Ibrani 10:​12, 13) Kootuson nopoddi nga’ onuai’ddi iyau’d Kinorohingan kuasa’ do tumimpuun momorinta.​—Basao’ Daniol 7:​13, 14.

3. Isai mongoruhang di Yesus do momorinta?

Iso’ o sinompuruan do tulun i roitan do “tulun di songonuon do Kinorohingan” nondo o mongoruhang di Yesus do momorinta hilo’d surga. (Daniol 7:27) Pogulu nopo do nopili’ di Yohuwah nga’ i tumatanud di Yesus dit otorodok. Gisom do baino, maso po di Yohuwah do momili’ tondu om kusai dit ongotorodok do mongoruhang di Yesus. Miagal di Yesus, iyolo nga’ posion kawagu id kowoowoyoon di don rusod.​—Basao’ Yohanis 14:​1-3; 1 Korintus 15:​42-44; 1 Pitrus 3:18.

 Songkuro ginumu do tulun di mongoi hilo’d surga? Roitan di Yesus iyolo dot “it okuuri’ o nintaban.” (Lukas 12:32) Koinsanai nopo diyolo nga’ 144,000 noo o tulun. Mongoruhang nondo iyolo di Yesus do momorinta do pomogunan.​—Basao’ Pinointalang 14:1.

4. Nunu o nosiliu soira’ nokotimpuun i Yesus do momorinta?

Tuminimpuun o Pomorintaan do Kinorohingan do momorinta id toun 1914. * Pogulu nopo minaan wonsoyo di Yesus sabaagi do raja’ nga’ pinapataam di Rogon om i tongotombiruo dau hiti’d pomogunan. Otogod dii kopio i Rogon om timpuun nodi iyau do monusa’ tulun id pointongkop do pomogunan. (Pinointalang 12:​7-10, 12) Mantad diri nga’ mumu-gumu nopoddi o kosusaan do tulun. Pisangadan, toruol di mogkoroliu, om tana’ dit gumuyu’ nga’ koinsanai’d bohogian do “tanda’ do pogintutunan” di popokito dot oruhai no o Pomorintaan dot Kinorohingan do momorinta diti pomogunan.​—Basao’ Lukas 21:​7, 10, 11, 31.

5. Nunu o wonsoyon do Pomorintaan do Kinorohingan?

Maya’ do karaja’d popinsusui ko’ papahabar id pointongkop do pomogunan, nokotimpuun no o Pomorintaan do Kinorohingan do popogisompuru tongoulun mantad mogisuwaian o bansa. Ogumu tongoulun dit osiriba o ginawo mamaramit di Yesus sabaagi do raja’. Intirungan nondo iyolo do pomorintaan diri soira’d punsoon o karaaton hiti’d pomogunan. Koinsanai di mokiintirung do Pomorintaan do Kinorohingan nga’ mositi no do minsingilo poingkukuro do mumboyo’ di Yesus.​—Basao’ Pinointalang 7:​9, 14, 16, 17.

Id suang do 1,000 toun, powonsoyon nondo diti pomorintaan i pokiwawansayan mantad di Yohuwah kumaa tongoulun. Kosiliu nondo do kabun dot olumis o pointongkop pomogunan. Id kolimpupuson do 1,000 toun diri, pogulion nondo di Yesus i pomorintaan diri dot id Tapa’ dau. (1 Korintus 15:​24-26) Isai o kagayaan do ginawo nu do poposunud pasal do Pomorintaan do Kinorohingan?​—Basao’ Sinding 37:​10, 11, 29.

 

^ per. 6 Montok kopoilaan potilombus, antangai buuk Nunu Potudukon do Baibol Dati? id koukaban 248-251