Tolibai kumaa id suang

Tolibai hilo’d table of contents

Sasi-Sasi'd Yohuwah

Pilio boros Dusun

 PALAJARAN 12

Poingkuro Ko do Minsomok do Kinorohingan?

Poingkuro Ko do Minsomok do Kinorohingan?

1. Mokinongou nangku i Yohuwah do koinsanai’d sambayang?

Mangangat i Yohuwah do koinsanai bansa’d tulun do minsomok Dau id sambayang. (Sinding 65:3) Nga’ a’ Dau kinongohon ko’ romiton o koinsanai sambayang. Miagal ko’, a’ di Yohuwah kinongohon o sambayang do kusai di pokoruol do sawo dau. (1 Pitrus 3:7) Om mada nogi i Yohuwah do mokinongou sambayang do tulun Israil soira’ tumilombus iyolo do mingwonsoi dit angaraat. Mantad diri, kointalang no kopio do sambayang nopo nga’ kosiwatan dit agayo kopio om apatut dot unsikohon. Mulong piya’ddi nga’ kinongohon di Yohuwah o sambayang do tulun di nokoumbal do momonsoi dusa dit agayo piya nung rumologo iyau.​—Basao’ Yosaya 1:15; 55:7.

Intangai video diti Mokinongou nangku i Yohuwah do Koinsanai’d Sambayang?

2. Poingkuro toko’ do sumambayang?

I Yohuwah noo o tukuon toko’ om kumaa Dau noddi o sambayang toko’. (Matius 4:10; 6:9) Haro o bohiton toko’, om mositi noddi do sumambayang toko’ maya’ do ngaran di Yesus tu’ minatai iyau montok do dusa dati’. (Yohanis 14:6) Mada i Yohuwah do sumambayang toko’ mantad buuk toi ko’ mangapal do sambayang. Manu Iyau do sumambayang toko’ mantad id ginawo.​—Basao’ Matius 6:7; Pilipi 4:​6, 7.

Sambayang id suang do ginawo nga’ orongou i’ do Minamangun dati’. (1 Somuil 1:​12, 13) Mangangat Iyau dati’ do sumambayang id tikid do kosiwatan, miagal ko’ maso’d oposik id kosuabon om tintod do modop, tintod do makan, om soira’ haro o katangaban dati’.​—Basao’ Sinding 55:23; Matius 15:36.

 3. Nokuro tu’ mogititimung o tulun Kristian?

Osusa do minsomok di Yohuwah tu’ poinrolot toko’ do tongoulun dit a’ otumbayaan Dau om momohingi batos Dau do papaharo’d kosimbayanan hiti’d pomogunan. (2 Timotius 3:​1, 4; 2 Pitrus 3:​3, 13) Manu toko’ddi do tambalut do mongodsuur dati’ om iyolo nga’ manu nogi do oodsuron dati’.​—Basao’ Ibrani 10:​24, 25.

Piombolutan miampai tulun dit osianan di Yohuwah monguhup dati’ do minsomok Dau. Pitimungan do Sasi-Sasi’ Yohuwah manahak dati’d kosiwatan do kaanu’d koodsuuran mantad kotumbayaan do tulun suwai.​—Basao’ Rum 1:​11, 12.

4. Poingkuro ko do minsomok do Kinorohingan?

Milo ko do minsomok di Yohuwah nung hondomon nu i nopinsingilaan nu mantad Baibol. Sorohon no kopio i nowonsoi Dau, nosihat Dau, om nogi batos Dau. Momuhondom diri ngai’ monguhup do poposuni kounsikahan id ginawo toko’ do kosianan om koiloo’ di Yohuwah.​—Basao’ Yosua 1:8; Sinding 1:​1-3.

Milo ko do minsomok di Yohuwah nung mogondos om otumbayaan ko Dau. Nga’ kotumbayaan nopo miagal do totonomon di manu do waig do sumuni. Mositi do siramon nu kasari o kotumbayaan nu. Poingkuro? Sorohon nokuro tu’ otumbayaan ko di Yohuwah.​—Basao’ Matius 4:4; Ibrani 11:​1, 6.

5. Nunu o kasanangan do minsomok do Kinorohingan?

Podulion di Yohuwah i koinsanai dit osianan Dau. Tingoligan Dau iyolo mantad nunu-nunu i mamaraag do kotumbayaan om kaharapan diyolo montok koposion di poingompus. (Sinding 91:​1, 2, 7-10) Posorohon toko’ Dau do mongilag kopooposion di karaag do kolidasan om kasanangan toko’. Monuduk i Yohuwah dati’ koposion dit osonong kopio.​—Basao’ Sinding 73:​27, 28; Yakub 4:​4, 8.