Tolibai kumaa id suang

Tolibai hilo’d table of contents

Sasi-Sasi'd Yohuwah

Pilio boros Dusun

 PALAJARAN 3

Otopot Nangku do Mantad Kinorohingan o Habar dot Osonong?

Otopot Nangku do Mantad Kinorohingan o Habar dot Osonong?

1. Disai’d pomusarahan id suang do Baibol?

Habar dot osonong dot apasi nondo poingompus o tulun id pomogunan pointulis id Baibol. (Sinding 37:29) Haro o 66 buuk tokooro id suang do Baibol. Haro i doti’ o 40 o gomponulis dit ongotorodok di pinakai di Yohuwah do monulis do Baibol. Limo buuk di kopogulu tinulis di Musa minsosomok 3,500 toun di nakatalib. Om buuk di tohuri kopio tinulis di Yohanis alaid ko’ 1,900 toun di nakatalib. Disai’d pomusarahan id suang do Baibol? Moro-boros i Yohuwah kumaa di gomponulis ngai’ maya’d rusod Dau dit olidang. (2 Somuil 23:2) Tinulis diyolo o pomusarahan di Yohuwah om okon i’ ko pomusarahan diyolo sondiri. Om i Yohuwah’ddi o sanganu do pomusarahan id Baibol.​—Basao’ 2 Timotius 3:16; 2 Pitrus 1:​20, 21.

Intangai video diti Disaiʼd pomusarahan id suang do Baibol?

2. Poingkuro toko’ mongilo ondung otopot o Baibol?

Oilaan dati’ do Baibol nopo nga’ mantad Kinorohingan tu’ minomisunud dot osorisid kopio o buuk diri pasal dit id dabantalan. Aiso’ o tulun kowonsoi miagal diri. (Yosua 23:14) Kinorohingan dit Osundu noo o kosorisid do poposunud dit id dabantalan do tongoulun.​—Basao’ Yosaya 42:9; 46:10.

Aiso’ o buuk do suwai miagal do Baibol tu’ buuk nopo diti nga’ mantad do Kinorohingan. Ogumu o Baibol do nokotikid id suang do lobi’ ko’ 450 o boros. Mulong piya do alaid no kotulis o Baibol, nga’ otopot kopio o suang dau pasal kinawansayan diti pomogunan. Suwai ko’ iri, koinsanai di nongkotulis ngai’ do 40 o gomponulis nga’ mogisosokodung. Kawagu nga’ popointalang kopio do kosianan di Yohuwah o Baibol om kikuasa’ do popoundar kopooposion do tulun. Koinsanai diti nga’ potumbayaan do tulun ginumuan do Baibol nopo nga’ boros do Kinorohingan.​—Basao’ 1 Tosolunika 2:13.

Intangai video diti Poingkuro Toko Mongilo Ondung Otopot o Baibol?

 3. Nunu ponudukan id suang do Baibol?

Monuduk o Baibol pasal do habar dot osonong do haro o pokiwawansayan Dau dit osonong kumaa tongoulun. Pinosunud do Baibol poingkuro o Pomorintaan do Kinorohingan momolidang do pomogunan om poingkuro do kotonduli kawagu o kabun dit olumis di pinatagak di Adam om Hawa.​—Basao’ Pinointalang 21:​4, 5.

Haro o toturan om nosihat id suang do Baibol. Suwai ko’ iri, nokotulis id Baibol poingkukuro o kowoowoyoon do Kinorohingan kumaa tongoulun, i popoilo dati’ suang ginawo Dau. Om ouhupan toko’ddi Baibol do mintutun do Kinorohingan. Popotunud o Baibol poingkukuro ko do milo do sumiliu tambalut Dau.​—Basao’ Sinding 19:​8, 12; Yakub 2:23; 4:8.

4. Poingkukuro ko do mamarati Baibol?

Maso do monuduk, poimpahon om patarangon di Yesus o soroiso-iso’ ot ayat om “kosuhut i’ iyolo’ do komoyon dit id suang” do Baibol. Brosur diti monguhup diya’ do mamarati Baibol maya’ do karalan-ralano do ponunuduk di Yesus.​—Basao’ Lukas 24:​27, 45.

Habar dot osonong mantad di Yohuwah lobi’ osonong mantad ko’ nunu nopo. Mulong piya’ddi nga’ haro ot a’ mokinongou om haro nogi it araatan do Baibol. Nga’, kada’ poluhoyo o ginawo nu. Nung manu ko do koposion di poingompus nga’ mositi no do mintutun ko do Kinorohingan.​—Basao’ Yohanis 17:3.