Tolibai kumaa id suang

Sasi-Sasi'd Yohuwah

Pilio boros Dusun

Apasi Kawagu Nangku o Tulun di Napatai?

Apasi Kawagu Nangku o Tulun di Napatai?

Nunu tosorou nu . . .

  • oo?

  • amu?

  • matuu?

 NUNU KA DO BAIBOL

‘Posion kawagu o tulun di napatai.’Winonsoi 24:15, Buuk do Kinorohingan do Boros do Dusun.

NUNU RATI DIRI MONTOK DIYA’

Koinsasamadan soira’ apatai o tongotobpinai om tongotambalut.2 Korintus 1:3, 4.

Koidu mantad kopoddosian do kapatayon.Ibrani 2:15.

Kaharapan do koruba kawagu di tongotobpinai om tongotambalut di napatai.Yohanis 5:28, 29.

 MILO TOKO’ NANGKU’D OTUMBAYAAN DO BAIBOL?

Oo, montok 3 o paantakan:

  • Kinorohingan no o Minomorun do nunu nopo. Id Baibol, roitan i Yohuwah do “tadon do koposion.” (Sinding 36:10; Winonsoi 17:24, 25) Atantu no do kaanu Iyau do mamasi kawagu’d tulun di napatai tu’ Iyau no o minanahak do koposion.

  • Haro tulun pinasi do Kinorohingan di laid. Boros ka do Baibol, haro o walu tulun do pinasi kawagu id pomogunan. I nopo pinasi’ddi nga’ kaampai nogi tulun dit omulok, otuo, kusai, om tondu. Haro i kapapatai, nga’ haro songulun dit apat no tadau do poillobong.Yohanis 11:39-44.

  • Manu kopio o Kinorohingan do mamasi kawagu’d tulun. Araatan kopio i Yohuwah do kapatayon. Bagi Dau, kapatayon nopo nga’ miagal do pisangod. (1 Korintus 15:26) Manu kopio Iyau do momupus do kapatayon. Pupusan Dau o kapatayon soira’ posion kawagu Dau o tongoulun di napatai. Sipamasi kopio Iyau do koinsanai tulun dit osorou Dau, om siintong kopio Iyau diyolo’ do apasi id pomogunan.Ayub 14:14, 15.

 MAAN SOROHO’

Nokuro tu’ lumohing om apatai toko’?

Haro sisimbar do Baibol id KINAWANSAYAN 3:17-19 om RUM 5:12.