Turus sid izon

Turus sid sinarai dot izon

Sasi di Yehovah

Pomili boros Momogun

 PALAJARAN 1

Nunuka habal do kovosihan?

Nunuka habal do kovosihan?

1. Nunu ka habal antad sid Kinoringan?

Engin i Kinoringan ohigak koposizan it riniba sid pomogunan. Inurug di Kinoringan it pomogunan om sokoviai it izon dino gima tu it samod Dau do riniba. Amu no alaid, irikot no di Kinoringan it lobi po avantang koposizan it ongoulun sid pentongkop pomogunan. Sopulan no di Kinoringan it riniba antad nunu nopo it kasansara.Basaon Yeremia 29:11.

Aso po karajaan it kadapat mananus dit karaatan, oruol om kapatazan. Topot varo habal do kovosihan. Amu no alaid, it Karajaan do Kinoringan mananus sokoviai it karajaan do riniba. Hiza sid sahau pomorintaan Dau, sokoviai nga varo kopiondusan om avantang ot kosihatan.Basaon Yesaya 25:8; 33:24; Danil 2:44.

2. Nokuro tu banal ko openting iti habal do kovosihan didino?

It kosusaan baiko atanus ong opunso no di Kinoringan it ongoulun araat sid pomogunan. (Zepania 2:3) Sera ka ajadi iti? Boros do Kitab, i kosusaan it piahajang ditokou biano, ino no tanda dot amu no alaid rumikot no i Kinoringan.Basaon 2 Timotius 3:1-5.

3. Nunu apatut gamaon ditokou?

Apatut tokou marajal kanangan ko i Kinoringan antad sid Boros Dau, it Kitab. It yadko surat antad sid asamod o tapa kumaa sidi tokou. Kitab monuduk ditokou vaza koposizan dit avantang om kuran kadapat tokou koposizan penlaid sid tohudi taddau. Topot, okonko sokoviai tulun humigak kemot ditokou mokitabang mangaharati do Kitab. Nga kadan no povilihon iti kosuvatan mangadapat koposizan dit lobi avantang sid tohudi taddau.Basaon Sambatan 29:25; Kentalangan 14:6, 7.