Turus sid izon

Turus sid menu 2

Turus sid sinarai dot izon

Sasi di Yehovah

Momogun

Habal do Kovosihan Antad sid Kinoringan!

 PALAJARAN 5

Nunuka Kenginan Kinoringan Bahagi Pomogunan?

Nunuka Kenginan Kinoringan Bahagi Pomogunan?

1. Nokuro tu inurug Kinoringan iti pomogunan?

Nitahak di Yehovah iti pomogunan bahagi do riniba. Iti no valai ditokou. Manjadi, it molohing keso, i Adam om i Hawa, okonko inurug tu pentoronon sid soruga—nokopongurug no laid i Kinoringan dot ongo malaikat bahagi sid soruga. (Ayub 38:4, 7) Topot, inurug di Kinoringan it riniba keso om nintoron Dau sid banalko avantang ot tampat it retanko Kabun dot Eden. (Kinotimpuunan 2:15-17) Tinahakan di Yehovah yosido om it ranzat dau harapan koposizan penlaid sid pomogunan.Basaon Zabul 37:29; 115:16.

Timpuun po, opodok it Kabun dot Eden. Puranzaton it molohing keso sampai momonu diti pomogunan. Iri ogi, murut-surut yoti zumazad manaud dit pomogunan sampai sompomogunan ajadi yadko Kabun dot Eden. (Kinotimpuunan 1:28) It pomogunan amu punsoon. Soumul-umul izonon do riniba.Basaon Zabul 104:5.

2. Nokuro tu okon no ko yadko Kabun dot Eden iti pomogunan?

I Adam om i Hawa amu siumuhut boros di Yehovah, manjadi sinunsub Dau yoti antad sid kabun dino. Natanus no it Kabun dot Eden, om aso no riniba kadapat poguli vagu dit kabun dino. Antad no diri, noponuan karaatan it pomogunan.Basaon Kinotimpuunan 3:23, 24.

Pinolingan ka di Yehovah it kenginan laid Dau bahagi ko riniba? Amu! Yosido no it banalko kikuasa. Amu insan otori. (Yesaya 45:18) Atagan Dau vagu iti riniba yadko it kenginan Dau.Basaon Zabul 37:11, 34.

3. Kuran poguli vagu dit pomogunan dot avantang?

Oulit vagu it kavantango yadko Kabun dot Eden sid pomogunan ong momorinta no i Yesus, Raja Karajaan do Kinoringan. Sid iso parang, retanko Harmagedon, i Yesus no mangagazad dit ongo malaikat Kinoringan momunso sokoviai it sinumaap do Kinoringan. Iri ogi kurungon no di Yesus it Raja  do Rogon saralom 1,000 toun koloido. It ongoulun do Kinoringan osopulan tu i Yesus ot monunda om mongolikup dioti. Kadapat yoti koposizan penlaid sid pomogunan yadko Kabun dot Eden.Basaon Kentalangan 20:1-3; 21:3, 4.

4. Sera ka mompus i kosusaan?

Sera ka punsoon di Kinoringan it karaatan sid pomogunan? Nokentahan di Yesus it “pogintutunan” kuran kelaan ditokou dot osomok no orikot no kovian. It pomogunan biano banalko kopogos do riniba om atalang dot didino pentoron tokou sid timpu “kovian diti pomogunan.”Basaon Matius 24:3, 7-14, 21, 22.

Hiza pomorintaan 1,000 toun di Yesus antad soruga kumaa sid pomogunan, punsoon dau sokoviai it kosusaan. (Yesaya 9:5, 6; 11:9) Om i Yesus pinangkat jumadi Imam dit Kipangkat dot Asavat om mongohugus dit dusa di ongoulun it manamod do Kinoringan. Manjadi, maza di Yesus, tonuson di Kinoringan it ongoruol, sumurut lohing, om kapatazan.Basaon Yesaya 25:8; 33:24.

5. Isaika kentoron sid pomogunan dot avantang ?

Sid Valai Piumpugan, kasamung tokou it ongoulun it manamod Kinoringan om engin marajal gama posinang ginavo Dau

It ongoulun it sinumuhut boros do Kinoringan kentoron sid pomogunan avantang yadko Kabun dot Eden. (1 Yohanes 2:17) Sinuhu di Yesus it minozo dau mogihim tulun dit osibak o ginavo om tudukan kuran gama otorima sid tinoguvangon do Kinoringan. Didino, kakalno i Yehovah posodia di jinutaan riniba mintoron sid pomogunan tavantang sid tohudi taddau. (Zepania 2:3) Sid Valai Piumpugan Sasi di Yehovah, kabarajal it ongokusai kuran jumadi savo om tapa dit lobipo avantang om it ongoondu kabarajal kuran jumadi savo om tidi dit lobipo avantang. It angaanak om it ongomolohing miiso sumamba do Kinoringan kadapat munsopot dit habal do kovosihan.Basaon Mika 4:1-4.