Turus sid izon

Turus sid menu 2

Turus sid sinarai dot izon

Sasi di Yehovah

Momogun

Habal do Kovosihan Antad sid Kinoringan!

 PALAJARAN 2

Isai ka Kinoringan?

Isai ka Kinoringan?

1. Nokuro tu apatut tokou sumamba Kinoringan?

I Kinoringan tabanal ot minongurug di sokoviai. Yosido aso kinotimpuunan om aso kinoompusan. (Zabul 90:2) It habal do kovosihan sid Kitab antad sid Kinoringan. (1 Timotius 1:11) Gima tu, i Kinoringan no minanahak ditokou do koposizan, apatut tokou sumamba baiko Yosido.Basaon Kentalangan 4:11.

2. Nunu kobuatano di Kinoringan?

Aso riniba kopiimot di Kinoringan tu i Kinoringan dino Sundu, harati Yosido dino varo koposizan dit lobi asavat mantad ko it riniba sid pomogunan. (Yohanes 1:18; 4:24) Topot emot ditokou it kobuatano di Kinoringan, sid gama Dau minongurug. Suntu, it boginisan ot kouvaan om ongovusak alanta sidi tokou it samod om keloo Dau. It kogozoo do sompogunan palanta sidi tokou it kokuasaan Dau.Basaon Rum 1:20.

Kadapat tokou misisingilo kanangan ko kobuatano do Kinoringan antad sid Kitab. Iso suntu, it Kitab patalahas sidi tokou nunu kenginan om nunu it kasanaan do Kinoringan, kuran gama Dau sid riniba, om kuran gama Dau tumoguvang nunu nopo kaadaan.Basaon Zabul 103:7-10.

3. Varo ka ngaran Kinoringan?

Ka di Yesus: “Ot Ama dahai sid surga, Posusio i ngaran-nu.” (Matius 6:9) Mimang, ogumu gama pongodiman do Kinoringan, topot, iso no ngaran Dau. Tasantanid-tanid vaza mangarait sumuhut bansa. Sid Tinggiris roiton do “Jehovah.” Om varo no ong “Yahweh” ka gama mangarait.Basaon Kinotimpuunan 2:4. *

 I ngaran do Kinoringan sid Kitab nisoliw om ginontian do baiko gama mongodim yadko Tuan antawa Kinoringan. Topot it hiza minonurat do Kitab, varo ngaran Kinoringan, kiro-kiro 7,000 kogumuo. Nihabal di Yesus it ngaran tapa Dau hiza mangajal yosido kanangan ko Kinoringan.Basaon Yohanes 17:26.

4. Banalka ko ataud i Yehovah ditokou?

Yadko it asamod ot tapa, nunu nopo gamaon di Kinoringan bahagi kounsapatan ditokou penlaid

Banalka ko, gima tu giumumu kosusaan, harati amu ataud i Kinoringan Yehovah ditokou? Varo momoros dot it kosusaan antad sid Kinoringan tu monuba Yosido ditokou, topot, iti diti amu abanal.Basaon Yakubus 1:13.

Tinahakan tokou do Kinoringan hak do momili. Okonka ko apatut tokou mongoguna kobibasan diti momili mokiuripon di Kinoringan? (Yosua 24:15) Nga, ogumu minomili mangagama taraat sid vokon, manjadi ogumu tasansara. Oruol ginavo di Yehovah mongimot karaatan.Basaon Kinotimpuunan 6:5, 6.

I Yehovah, Kinoringan dit ataud ditokou. Engin Yosido ohigak koposizan ditokou. Amu no alaid tonuson no Dau it kosusaan om karaatan. Manjadi nokuro ka tu pinosimozo Kinoringan varo kosusaan? Sid Palajaran 8, marajal tokou nunu sabap dau.Basaon 2 Petrus 2:9; 3:7, 13.

5. Kuran gama ditokou minsomok sid Kinoringan?

Kinoringan Yehovah minongingut ditokou mintadua gama minsomok sid Dau. Ataud Yosido di ipat-ipat do riniba. (Zabul 65:3; 145:18) Agazo ginavo di Kinoringan mongohugus kasalaan ditokou. Emot Dau it kosog ditokou posinang di ginavo Dau minsan poma ko tumimvaro aratu tokou. Manjadi mulong ko kidusa tokou, kadapat tokou minsomok sid Kinoringan.Basaon Zabul 103:12-14; Yakubus 4:8.

Gima tu i Yehovah minanahak di tokou do koposizan, apatut tokou manamod Dau lobi ko ulun vokon. (Markus 12:30) Manamod tokou Dau ong posuruton ditokou marajal kanangan ko Yosido om sampai sumuhut di tudukan. Om iri ogi kadapat tokou lobi po minsomok sid Dau.Basaon 1 Timotius 2:4; 1 Yohanes 5:3.

^ per. 4 Ka dit panarangan sid siba Kitab Rungus, TUHAN: Sid solinan diti “TUHAN” mirad di ngaran dit Ibrani YHWH it osorou dot i gama mangarait di Yahweh, om varo pot mangarait dino dot Yehowa.