1. Banalka ko iso no ugama dit otopot?

“Ontupato no banal it ongomising nabi.”—MATIUS 7:15.

Isono ugama niajal di Yesus sid ongoulun, inono it ugama dit otopot. Bai ino ralan kumaa sid koposizan penlaid. Boros di Yesus: “Okudik banal ot ulun do kemumui” di ralan dino. (Matius 7:14) Baiko it ugama di sinumuhut dit kabanaran sid Kitab ot torimoon di Kinoringan. Sokoviai it ulun dit minozo ugama totopot miiso sid iso kosipan.Basaon Yohanes 4:23, 24; 14:6; Episus 4:5.

2. Nunuka boros di Yesus kanangan ko it Kristian dit amu otopot?

“Mangakun it ongomaamalid dino do kotutun do Kinoringan, topot i kobuatano dioti amu mongimbanal dino.”—TITUS 1:16.

Nokentahan laid di Yesus dot varo it ongomisingko nabi monuduk dit tudukan amu otopot. Ong kematan sid soliw, yoti diti yadko Kristian it otopot. Yoti nga mangakun dot Kristian. Topot, otutunan i ditokou isaika yoti diti ong katapatan no. Kuran? Antad sid kobuatano om gagamaon dioti.Basaon Matius 7:14-23.

3. Kuran tokou mongintutun ulun Kristian dit otopot?

Imatai limo pongintutunan diti:

  • Mongohorumat yoti Kitab it inono Boros do Kinoringan. Kumosog yoti sumuhut dit tudukan do Kitab sid saralom koposizan. Manjadi, it Kristian dit otopot mitanid antad dit ongo ugama vokon it sumuhut hoturan do riniba. (Matius 15:7-9) Kristian dit otopot okonko tanid ot iyajal om tanid no it gamaon.Basaon Yohanes 17:17; 2 Timotius 3:16, 17.

  •   Mongohorumat yoti ngaran Kinoringan, i Yehovah. Nihabal di Yesus ngaran Kinoringan gama dau mongohorumat di ngaran dino. Manabang i Yesus ongoulun tumutun di Kinoringan om mangajal yosido dioti mintadua posusi ngaran do Kinoringan. (Matius 6:9) Nunuka ugama it nelaan nu dot pahabal ngaran do Kinoringan?Basaon 2 Samuil 7:22; Yesaya 42:8; Yeremia 32:17.

  • Pahabal yoti kanangan ko Karajaan do Kinoringan. Niatod Kinoringan i Yesus pahabal dit habal do kovosihan kanangan ko i Karajaan. Iso no harapan do riniba ino no it Karajaan do Kinoringan. Inono it piboboros nopo di Yesus sampai dit addau kinapatazan dau. (Lukas 4:43; 8:1; 23:42, 43) Boros di Yesus, sokoviai it mozo dau nga pahabal kanangan ko karajaan dino. Manjadi, ong varo tulun rumikot sidi tokou om momoros kanangan ko Karajaan do Kinoringan, karasaan nu, nunu ka song ugama yoti?Basaon Matius 24:14.

  • It mozo di Yesus okonko dang pomogunan. Otutunan ditokou yoti tu amu yoti humagut nunu nopo kanangan ko politik. (Yohanes 17:16; 18:36) Toliban poko ino, amu yoti sumusui dit araat o kobuatano om gagamaon do pomogunan.Basaon Yakubus 4:4.

  • Kristian dit otopot miasasamod. Tudukan do Kitab mangajal dioti mongohorumat sokoviai bansa. Minsan ko it ongo ugama amu abanal monukung dot miparang it ongobansa, topot ong it Kristian totopot amu humagut. (Mika 4:1-3) Ino i nga, it ongoulun Kristian dit otopot mongoguna dit nunu nopo dioti om motibang manabang om monungkod dit ongoulun vokon.Basaon Yohanes 13:34, 35; 1 Yohanes 4:20.

4. Otutunan nu ka it ugama dit otopot?

Ombo ugama it sokoviai tudukan dau nga inanu sid Kitab, mongohorumat do ngaran Kinoringan, pahabal kanangan ko Karajaan do Kinoringan dit iso no harapan do riniba? Omboka it umpug dot miasasamod om mangamu do miparang? Nunu sid pongitungannu?Basaon 1 Yohanes 3:10-12.