Turus sid izon

Sasi di Yehovah

Pomili boros Momogun

Nunu Ralan Kohigakan Songongkob?

Nunu Ralan Kohigakan Songongkob?

Kosuramaannu . . .

  • samod?

  • siin?

  • varo po vokon?

 BOROS DO KITAB

“Osinang it ongoulun di mongining di boros do Kinoringan sampai sumuhut.”Lukas 11:28, Kitab Habal Do Kovosihan.

NUNU HARATI DITI BAHAGI DI TOKOU

Kadapat samod dot otopot.Efesus 5:28, 29.

Varo hormat taralom.Efesus 5:33.

Kapapag do pinisavaan.Markus 10:6-9.

 ADAPAT I KA OSIPON DI TOKOU BOROS DO KITAB?

O, varo 2 sabap:

  • I Kinoringan o minonimpuun pinisavaan. Boros do Kitab, Kinoringan Yehovah ot minonimpuun pinisavaan. (Kinotimpuunan 2:18-24) Manjadi varo retanko suvang ongkob tu Kinoringan Yehovah ot minonimpuun. Nunu harati diti?

    Timai tokou mongitung. Ong varo takanon banalko asadapanko om engin ko misisingilo kuran mangagama, isai duaton di tokou? Mimang ko i minangagama.

    Yadnokeno, ong mogihim ralan kohigakan songongkob, tumoronong tokou sid Kinoringan Yehovah, i minonimpuun pinisavaan.

  • Kinoringan manaud di tokou. Avantang ong mogihim tokou tudukan Kinoringan kanangan ko kohigakan suvang ongkob. Nokuro? “Tu Iosido o manaud dikou.” (1 Petrus 5:6, 7) Engin i Kinoringan Yehovah avantang kosondoto di tokou. Sokoviai tudukan Dau kiguna.

 APATUT ITUNGON

Kuran tokou kadapat jumadi savo antawa molohing dit avantang?

Panarangan kanangan ko pongoduatan diti varo sid EFESUS 5:1, 2 om KOLOSE 3:18-21.