Turus sid izon

Turus sid menu 2

Sasi di Yehovah

Momogun

Gumulian ka Vagu it Ulun Minatai?

Gumulian ka Vagu it Ulun Minatai?

Nunu ambat nu . . .

  • o?

  • amu?

  • konuku?

 BOROS DO KITAB

“Varo Kogulianan dit ulun minatai.”Rasul 24:15, Kitab Habal do Kovosihan.

NUNU HARATI DITI BAHAGI DI TOKOU

Ponginsasamod ginavo it napatazan.2 Korintus 1:3, 4.

Aso tikorosi do kapatazan.Ibrani 2:15.

Harapan totopot dot kopisamung tokou vagu dit ongokinoruhangan om kovovorisan it minatai no.Yahya 5:28, 29.

 ADAPAT I KA OSIPON DI TOKOU BOROS DO KITAB?

O, varo 3 sabap:

  • Kinoringan minongurug do koposizan. Nokosurat sid Kitab i Kinoringan “ovud do koposizan.” (Zabur 36:10; Rasul 17:24, 25) It minanahak koposizan tantuko kadapat mongogulian it minatai.

  • I gulu, minongogulian Kinoringan it ulun minatai. Sid Kitab nokosurat valu sorita ulun minatai it ginulian Dau sid pomogunan, varo anganak, lumohing, kusai om ondu. Varo ot ginulian it kapatai om varo it ginulian dot nokolobong no apat tadau!Yahya 11:39-44.

  • Engin Kinoringan mongogulian vagu. Kinoringan Yehovah asana do kapatazan. Tu i kapatazan pinoko sangod Dau. (1 Korintus 15:26) Tonuson di Kinoringan i sangod Dau tu monginvagu do koposizan ino no it kogulianan. Nakatag sid pongitungan di Kinoringan it ongoulun minatai om banalko agazo ginavo Dau mongogulian dioti vagu sid pomogunan.Ayub 14:14, 15.

 APATUT ITUNGON

Nokuro tu sumurut lumohing om matai tokou?

Panarangan kanangan ko pongoduatan diti varo sid KINOTIMPUUNAN 3:17-19 om RUM 5:12.