Turus sid izon

Turus sid menu 2

Sasi di Yehovah

Momogun

Nunu ka Karajaan do Kinoringan?

Nunu ka Karajaan do Kinoringan?

Nunu ambat nu . . .

  • baiko sid ginavo?

  • iso tampat sid surga?

  • iso pomorintahan sid surga?

 BOROS DO KITAB

“Kinoringan sid surga pinengkakat iso karajaan dit amu milo punsoon.”Daniel 2:44, Alkitab Berita Baik.

“Nitahak-no sid di tokou iso ot anak do kusai, om i karajaan nga pentoron sid kazab dau.”Yesaya 9:5, Kitab Habal do Kovosihan.

NUNU HARATI DITI BAHAGI DI TOKOU

  • Varo iso pomorintahan it kapanabang di tokou kondiri.Yesaya 48:17, 18.

  • Kadapat tokou koposizan it ohigak om amu no mongoruol sid pomogunan vagu.Kentalangan 21:3, 4.

 ADAPAT I KA OSIPON DI TOKOU BOROS DO KITAB?

O varo 2 sabap:

  • Nokotuduk di Yesus nunu ot gamaon do Karajaan Kinoringan. Minonuduk i Yesus it kinoruhangan dau momintadua porikot di Karajaan do Kinoringan om posunu di kenginan Kinoringan sid pomogunan iadko sid surga. (Matius 6:9, 10) Nipemot di Yesus i pomintaduaan dino iningon do Kinoringan.

    It hiza sid pomogunan, pinaakan Yesus it ulun vitilon, minongingkod di kisakit om minongogulian it ulun minatai! (Matius 15:29-38; Yahya 11:38-44) Nipemot no laid di Yesus kavantango it gamaon do Karajaan do Kinoringan sid tinoguvangon tadau ong ajadi no iosido raja.Kentalangan 11:15.

  • I kobuatano do pomogunan banal ko atalang dot baiko rumikot po i Karajaan do Kinoringan. Nokentahan no laid di Yesus dot varo miparang, vitil om momodguzu i pomogunan sobolum po korikot i Karajaan do Kinoringan it mongovit kopiondusan sid pomogunan.Matius 24:3, 7.

    Sokoviai diti emot di tokou biano no. Manjadi kasip tokou dot amu no alaid korikot no i Karajaan do Kinoringan momunso i sokoviai karaatan.

 APATUT ITUNGON

Kuran koposizan di tokou ong momorintah no i Karajaan do Kinoringan?

Panarangan kanangan ko pongoduatan diti varo sid MATIUS 5:4 om YESAYA 65:21-23.