Skip to content

Skip to secondary menu

Skip to table of contents

Yehofa Kotoigi

Okanisitongo

A Wakititolen (anga sutudi-artikel)  |  yuli 2016

 A TOLI DI SIKIIFI A FESISE | FA A DU KON TAKI A BEIBEL DE ETE?

Fa a du kon taki Beibel de ete?

Fa a du kon taki Beibel de ete?

Tide na a dei Beibel de ete. Kande iseefi abi wan Beibel tu di yu e leisi. Efi i abi wan Beibel di sikiifi soifili enke fa den fosi Beibel be de, da i ná abi fu feele taki den sani di yu e leisi a ná tuu. * Den sani di den koboloiki fu sikiifi Beibel a sani di e poli gawgaw. Da fa a du kon taki Beibel de ete? Saide a Beibel pelensipali so?

„Nownow mi e biibi taki a Gadu gi wi a Beibel enke wan kado”

A omen sama di sutudeli Beibel e si a Beibel enke fa a apostel Pawlesi be e si en. A sikiifi taki: „A Gadu seefi meke sama sikiifi ala den sani di de aini a buku fi en” (2 Timotiyesi 3:16). Den e biibi taki Beibel na a Wowtu fu Gadu, neen meke nawan sani á poi poli en. Gadu kibii en te enke tide. Faizal, di u be taki fi en aini a fosi artikel go ondoosuku Beibel moo bun. A be wani sabi efu a Gadu Wowtu tuutuu. Den sani di a kon sabi meke a foondoo. A kon si taki gaanse fu den sani di den Kelesten e leli sama aini a ten ya, á de aini Beibel. Boiti dati, a lobi den sani di Gadu paamisi u aini a Beibel.

Faizal taki: „Nownow mi e biibi taki a Gadu gi wi a Beibel enke wan kado. Efu Gadu poi meke hemel anga goontapu, da wi á mu foondoo taki Gadu poi gi u wan buku di sama á poi poli, na so noh? Ma efu wi e si enke Gadu á poi du a sani ya, da u nai si en enke a moo makiti sama. Sama a mi fu taki Gadu ná abi makiti?”Yesaya 40:8.

^ paragraaf 3 Luku a artikel „Fa yu kan sabi san na wan bun Bijbelvertaling?” aini A Waktitoren fu 1 mei 2008.