Skip to content

Skip to secondary menu

Skip to table of contents

Yehofa Kotoigi

Okanisitongo

A Wakititolen (anga sutudi-artikel)  |  mei 2016

 A TOLI DI SIKIIFI A FESISE

Te wan sama di i lobi dede

Te wan sama di i lobi dede

’A Gadu wani sani waka so ye pikin.’

A wan sama be taigi wan uman den e kai Bebe a sani ya. Bebe be de na a beli fi en dda. En dda dede a wan ongooku fasi.

Bebe be lobi en dda. A sama di be taigi Bebe a sani di sikiifi a tapu ya, a wan mati fu a famii. A be wani toosutu Bebe. Ma a sani di a taki á toosutu Bebe, a hati a hati en. Bebe be e pakisei taki: „A á kan taki a Gadu wani sani waka so.” Bebe sikiifi a toli fu a dede fi en dda poti a buku baka omen yali. Ma di a sikiifi a buku ya, a be e tyali ete.

Bebe kon fusutan taki te wan sama di u lobi dede, a wan hii pisiten wi e tyali. Beibel e kai dede „a lasiti feyanti” (1 Korentesama 15:26). Ai fanya u hii libi. Yu á poi teke seeka gi en. Ai kii den sama di u lobi. Nawan fu u poi taki u nai fii san ai du anga u. Neen meke a nai foondoo wi taki wi e fii en te wan sama di u lobi dede.

Kande i akisi iseefi taki: ’On langa ai teke fu wan sama á tyali moo? San o yeepi wan sama te ai tyali? Fa mi sa toosutu wan sama di e tyali, te wan sama fi en dede? Howpu de gi den sama di dede?’

Moo toli

A WAKITITOLEN (ANGA SUTUDI-ARTIKEL)

A fowtu fu de anga buduufu na ati?

San i mu du efu taawan e si enke yu e kusumi tumisi?