Skip to content

Skip to secondary menu

Skip to table of contents

Yehofa Kotoigi

Okanisitongo

A Wakititolen (anga sutudi-artikel)  |  maart 2016

San Beibel e taki?

San Beibel e taki?

Sama a Didibii?

SAN I BE O PIKI? I si enke Didibii . . .

  • A wan yeye?

  • A wan takuu fii aini sama ati?

  • A wan anainsitoli?

SAN BEIBEL E TAKI FU A TOLI YA?

Didibii be taki anga Yesesi. A puubei fu meke Yesesi du sani di á bun. A sani de e soi taki Didibii a ná anainsitoli efuso wan takuu fii aini sama ati. Didibii a wan yeye di abi ogii-ati.

SAN BEIBEL E LELI U MOO FU A TOLI YA?

  • Didibii a be wan bun engel, ma a be „gwe fika a tuu” (Yohanisi 8:44). A bigin sitee anga Gadu. A lei gi en tu.

  • Taa engel holibaka gi Didibii.Openbaring 12:9.

  • Didibii beendi omen sama, bika den nai biibi taki a de tuutuu.2 Korentesama 4:4.

Didibii poi meke sama du san a wani?

SON SAMA TAKI den nai biibi taki Didibii poi meke sama du san a wani. Taawan e feele, den e si enke ogii yeye o bali a den tapu. Ma fa yu e si a toli ya?

SAN BEIBEL E TAKI FU A TOLI YA?

„A hii goontapu de aini a makiti fu a ogii wan” (1 Yohanisi 5:19). Didibii e meke omen sama du san a wani, ma a á poi meke ala sama du san a wani.

SAN BEIBEL E LELI U MOO FU A TOLI YA?

  • Didibii e koli sama fu meke den du san a wani.2 Korentesama 11:14.

  • Son leisi ogii yeye e du san den wani anga sama.Mateyesi 12:22.

  • Gadu poi yeepi i fu „toto futu gi Saatan”.Yakowbesi 4:7.