Skip to content

Skip to table of contents

3 Ai yeepi u te wi abi polobelema

3 Ai yeepi u te wi abi polobelema

Wantu polobelema de di sama á poi losi gi u nownow. Wi á poi lon gi den tu. Kande a wan sama di i lobi dede, efuso kande i siki, ma i nai betee. Te den sani ya miti i, da a fasi yu abi fu suku fu man pasa den dei. Gadu poi yeepi u te den sani ya miti u?

TE I SIKI, MA I NAI BETEE

Rose taki: „Mi sikin e nyan mi ala yuu. A sani ya e meke mi nai piisii.” Son leisi te ai sutudeli Beibel, a nai man poti pakisei a den sani di ai leisi. A sani ya e meke ai taanga gi en fu leli sabi Gadu moo bun. Ai meke a fii booko-saka tu. Ma a sani di Yesesi taki a Mateyesi 19:26 yeepi en. Ape sikiifi taki: „Gadu man du ala sani.” Rose kon si taki a ná wan fasi namo de fu sutudeli. Fu di a be e taanga gi en fu leisi te en sikin be e nyan en, meke a bigin aliki fa sama e leisi Beibel anga taa sani a internet. * A taki: „Efu mi á be abi den sani ya, mi á sabi fa mi be o du fu mi biibi á swaki.”

Te Rose e fii booko-saka fu di a á poi du son sani moo, da a sani di sikiifi a 2 Korentesama 8:12 e toosutu en. Ape sikiifi taki: „Efu wan sama wani gi wan sani, da a wan bun sani ai du, ma a san a man a mu gi, a á mu gi san a á poi gi.” A tekisi ya yeepi Rose fu membee taki Gadu e piisii anga san ai du, bika a san a poi ai du.

 TE YU E KUSUMI

Delphine, di u be taki fi en na a bigin taki: „Di mi meisyo fu 18 yali dede, mi fii en te. Mi á be si enke mi o poi libi go doo. Mi hii libi be kengi.” Ma a sani di sikiifi a Psalm 94:19 toosutu en. Ape a psalm sikiifiman e taigi Gadu taki: „Te sani be e moo mi, a yu be e toosutu mi fu mi sa piisii baka.” Delphine taki: „Mi be e begi Yehofa fu a yeepi mi fu du sani di be o yeepi mi fu mi á fii a dede fu mi meisyo so moo.”

A bigin du wooko di be e meke a fii bun. Bakaten a be kon si enseefi enke den sani di pikinnengee e koboloiki fu kololu sani. A taki te anga den booko wan seefi bun ete fu kololu sani. A sani ya meke a kon si taki a be sa yeepi taawan ete, winsi fa a be e fii booko-saka. A taki: „Te mi e koboloiki Beibel fu toosutu den sama di mi e leli, da Yehofa e toosutu mi tu.” A be sikiifi den nen fu den sama aini Beibel di be e kusumi tu fu di sani be miti den. A taki: „Mi kon si taki ala den sama ya be gwenti begi.” A be kon si tu taki „efi i Beibel de taputapu ala yuu, i ná o fende yeepi”.

Ma Delphine leli wan taa sani tu di a sutudeli Beibel. A leli taki a á mu pakisei a ten di pasa, ma a mu poti pakisei na a ten di e kon. A sani di sikiifi a Toli 24:15 e toosutu en. Ape sikiifi taki: „Gadu o weki den dedesama baka, den sama di be libi a wan letifasi anga den di á be libi a wan letifasi.” Ai biibi taki Yehofa o weki en meisyo baka? Delphine taki: „A leti enke mi e si mi meisyo kaba. Yehofa poti a dei di wi o miti kaba. Mi e si kaba fa wi e wooko makandaa aini u dyali, leti enke fa mi be e si en anga fa mi be lobi en a dei di mi meke en.”

^ paragraaf 4 I sa fende omen fu den sani ya a jw.org.

Beibel sa toosutu i te a libi e taanga gi i