Skip to content

Skip to table of contents

 DEN GUDU DI DE AINI A WOWTU FU GADU | LUKASI 8-9

San wan sama mu du fu toon Yesesi bakaman?

San wan sama mu du fu toon Yesesi bakaman?

9:62

Wan sama di e paandi goon á mu meke den sani di de neen baka puu en pakisei a san ai du. A letiso wan Kelesten á mu meke den sani di a fika aini a goontapu fu Saatan puu en pakisei na a Kownukondee.​—Fili 3:13.

Te tesi e miti u, da wi e fii enke u libi be e go moo bun di wi á be de a waaleiti. Wi e wani daai go aini a goontapu baka. Te wi e fii so, da wi e feegete den somen sani di be e miti wi aini a goontapu. Na aseefi sani ya be miti den Islayelisama di den komoto a Egepte (Num 11:5, 6). Efu wi e tan pakisei fa u libi be de fosi, wi o wani libi so baka. Neen meke a moo bun fu pakisei den bun sani di Yehofa du gi u kaba anga den bun di a o du gi u te a Kownukondee o tii.​—2Kor 4:16-18.