Skip to content

Skip to secondary menu

Skip to table of contents

Yehofa Kotoigi

Okanisitongo

A libi fu wi enke kelesten anga a peleikiwooko–Komakandaa buku  |  yanuari 2016

 A LIBI FU WI ENKE KELESTEN

Fa fu du a peleikiwooko moo bun—Sete sani fu go na a sama baka

Fa fu du a peleikiwooko moo bun—Sete sani fu go na a sama baka

SAIDE A DE FANOWDU:

U wani gi den sii di u paandi wataa (1Kor 3:6). Efu u miti wan sama di aliki a bun nyunsu, da a o bun fu poti wan akisi gi en fosi u gwe. Boiti dati, u wani meke mofu anga a sama tu fu kon wan taa leisi fu piki a akisi. A sani ya o meke a sama wani u kon neen baka. A o yeepi u tu fu sabi sowtu toli u mu taki te u go neen baka. A dei di wi o go na a sama baka, u sa taigi en taki, na a akisi di u be poti gi en u kon piki.

FA U MU DU EN:

  • Te yu e seeka fu peleiki osu fu osu, da i mu denki sowtu akisi yu o poti gi a sama fi i sa go neen baka. I sa poti wan akisi di de aini wan fu den buku di yu e paati. Ma i sa poti wan akisi tu di de aini wan fu den buku di i wani gi a sama. A sa de wan fu den buku di wi e sutudeli anga sama.

  • Te i kaba taki anga a sama, i mu taigi en taki i wani kon neen baka. Baka dati, i mu poti a akisi gi en di i wani piki te yu o go neen baka. Meke moiti fu kon sabi a nen fu a sama anga a nombuu fu a osu pe ai tan.

  • Te i taigi en on lati yu o go, na a yuu de i mu go.Mat. 5:37.