Skip to content

Skip to table of contents

 A LIBI FU WI ENKE KELESTEN

Te i miti wan pikinengee a osu

Te i miti wan pikinengee a osu

Te i miti wan pikinengee a osu te yu e peleiki, i mu akisi en efi i sa taki anga en mma efuso en dda. A sani de o soi taki wi e lesipeki a faantiwowtu fu den (Odo 6:20). Efu a pikinengee kai u go aini se, wi á mu go. Efu en mma anga en dda á de a osu, u mu go wan taa dei efuso a wan taa yuu.

Efu a pikin abi 15 te anga 19 yali so, tokuso u mu akisi en efu u sa taki anga en mma efuso en dda. Efu den á de a osu, u sa akisi a pikin efu en mma anga dda e meke enseefi luku san a wani leisi. Efu a taki eeye, da u sa gi en wan sani fu leisi. Kande u sa soi en fa a sa go a jw.org tu.

Efu wan pikin be aliki u, neen u go neen baka, u mu akisi en efu u sa taki anga en mma efuso en dda. Da wi o fende a okasi fu soi den saide u kon na a pikin. Wi o poi soi den sowtu bun leli de aini a Beibel gi osufamii (Ps 119:86, 138). Te wi e soi lesipeki gi den gaansama fu a pikin, wi e moin a tuu leli. Te wan taa peleikiman go peleiki na a osu de, da u opo a pasi kaba fu den aliki en.1Pt 2:12.