Skip to content

Skip to secondary menu

Skip to table of contents

Yehofa Kotoigi

Okanisitongo

Wi Kelesten libi anga a peleikiwooko–Komakandaa buku  |  september 2016

 A LIBI FU WI ENKE KELESTEN

Den sani di yu á mu du te yu e sutudeli anga wan sama

Den sani di yu á mu du te yu e sutudeli anga wan sama
FA I WANI EN
Text
Image

Ná taki ipi tumisi: Yu á mu si enke a yu na a sama di mu taki ala sani. Yesesi be e poti akisi fu yeepi sama fu fusutan wan toli (Mat 17:24-27). Te yu e poti akisi da a ná yu wawan o go e taki. A o yeepi i fu si tu efu a sutudi fusutan a toli, efuso san ai biibi (be-SR blz. 253 par. 3, 4). Te i poti wan akisi, i mu wakiti, te enke a sama piki. Efu a á piki bun, yu á mu taigi en a piki, ma i mu poti taa akisi gi en di o yeepi en fu a fusutan a toli (be-SR blz. 238 par. 1, 2). Yu á mu taki gaw tumisi, da a sama o fusutan i moo bun.be-SR blz. 230 par. 4.

Ná meke a toli taanga gi a sama fu fusutan: Yu á mu wani taigi en ala sani di i sabi fu a toli (Yoh 16:12). Na a moo pelensipali pisi fu a paragraaf i mu poti pakisei (be-SR blz. 226 par. 4; 227 par. 1). A sama ná o fusutan san pelensipali aini a paragraaf efu yu e taki fu ala pikinpikin sani di i si enke a mu sabi (be-SR blz. 235 par. 3). Go na a taa paragraaf te a sutudi fusutan san na a moo pelensipali sani aini a paragraaf di u luku.

Ná poti den akisi fu den paragraaf namo da i go doo: Te wi e sutudeli anga sama, u wani doo den ati. Neen meke wi á mu poti den akisi fu den paragraaf namo da a kaba (Luk 24:32). A Wowtu fu Gadu abi kaakiti. Neen meke i mu poti pakisei a den tekisi di o yeepi a sama fu fusutan a toli moo bun (2Kor 10:4; Heb 4:12; be-SR blz. 144 par. 1-3). Koboloiki ageisitoli di á taanga fu fusutan (be-SR blz. 245 par. 2-4). I mu holi a pakisei sowtu polobelema a sutudi fi i abi anga san ai biibi, da i luku fa i sa koboloiki a pisi di wi e sutudeli fu yeepi en. Akisi en sani enke: „Fa yu e pakisei fu a sani di i leli ya?” „San a sani ya e leli u fu Yehofa?” „Sowtu wini i denki yu o fende efi i wooko anga a sani di i leli ya?”be-SR blz. 238 par. 3-5; blz. 259 par. 2.