Skip to content

Skip to secondary menu

Skip to table of contents

Yehofa Kotoigi

Okanisitongo

A libi fu wi enke kelesten anga a peleikiwooko–Komakandaa buku  |  oktober 2017

 A LIBI FU WI ENKE KELESTEN

Fa u sa toon wan sama di e ondoosuku Gadu Wowtu bun

Fa u sa toon wan sama di e ondoosuku Gadu Wowtu bun

I wani holidoo enke Daniyeli te tesi miti i? Daniyeli be e ondoosuku a Wowtu fu Gadu bun. A be e ondoosuku polofeititoli di taanga fu fusutan tu (Dan 9:2). Te yu e ondoosuku a Wowtu fu Gadu bun, yu o man holidoo. Saide? Yu o moo biibi taki Yehofa o du den sani di a paamisi (Yow 23:14). Wi o moo lobi Yehofa tu. A sani ya o yeepi u fu du san a lobi (Ps 97:10). Ma fa u mu ondoosuku Gadu wowtu? Luku wantu sani di i sa du.

  • San mi mu ondoosuku? Wan sama di e ondoosuku Beibel bun gwenti seeka enseefi gi den komakandaa. Yu o moo lobi a pisi fu Beibel di u mu leisi ala wiki te yu e teke ten ondoosuku den sani di yu á kaba fusutan. Son sama lobi ondoosuku den polofeititoli efuso den fasi di a yeye e meke wan sama abi. Son wan lobi ondoosuku den waka di Pawlesi be e teke te a be e go luku den kemeente. Taawan baka lobi ondoosuku den sani di Yehofa meke. Efu wan sani fu Beibel kon a yu ede di i be wani sabi, i sa sikiifi en, da i ondoosuku en te yu o sutudeli taa leisi.

  • Pe mi sa fende den sani di mi wani sabi? Luku a felon di den e kai Sani di yu kan gebroiki fu studeri Bijbel moro bun. I wani sabi efi i poi wooko anga den sani ya? Ondoosuku a toli fu Daniyeli kapitel 7 di e taki fu den ogii meti. Luku efi i poi sabi sowtu kondee a den meti ya.

  • On langa mi mu sutudeli? Te wan sama gwenti sutudeli en biibi e taanga. Biginbigin i ná abi fu sutudeli langa. Ma te i kon gwenti sutudeli kaba, i sa sutudeli pikinso moo langa efi i si enke a de fanowdu. Wan sama di e sutudeli a wowtu fu Gadu, de enke wan sama di e suku gowtu. Te i fende pikinso gowtu, yu e wani diki go moo dipi! (Odo 2:3-6) Yu o moo lobi a Wowtu fu Gadu. Yu o gwenti ondoosuku Beibel tu.​—1Pt 2:2.

SAN DEN METI DI KAI AINI DANIYELI KAPITEL 7 WANI TAKI?

  • Dan 7:4

  • Dan 7:5

  • Dan 7:6

  • Dan 7:7

MOO AKISI:

Fa den sani di sikiifi a Daniyeli 7:8, 24 pasa?

SAN MI SA ONDOOSUKU TAA LEISI:

San den meti di kai aini Openbaring kapitel 13 wani taki?