Skip to content

Skip to secondary menu

Skip to table of contents

Yehofa Kotoigi

Okanisitongo

Wi Kelesten libi anga a peleikiwooko–Komakandaa buku  |  oktober 2016

 DEN GUDU DI DE AINI A WOWTU FU GADU | ODO 1-6

„Fitoow Yehofa anga i hii ati”

„Fitoow Yehofa anga i hii ati”

U mu fitoow Yehofa anga u hii ati. Te u luku san a nen fu Gadu wani taki, da a sani de e meke u biibi taki a poi du ala san a paamisi. Wan fasi fa u sa soi taki wi e fitoow en, a te wi e begi. Odo kapitel 3 e soi taki Yehofa o meke u fende wini te wi e biibi en. A o ’seeka a pasi fu u’.

Wan sama di e si enke a koni . . .

3:5-7

  • nai begi Yehofa fu yeepi en fosi a du wan sani

  • lobi du sani enke fa ai denki. A lobi du sani enke den sama fu a goontapu

Wan sama di e fitoow Yehofa . . .

  • e meke moiti fu toon bun mati anga en fu di a o sutudeli Beibel, begi efuso teke ten pakisei den sani di a leli

  • e wooko anga den leli fu Beibel te a mu du wan sani

SOWTU WAN FU DEN TU PISI YA E SOI FA MI E DU SANI?

FOSI SANI: Mi e du san mi denki o bun

FOSI SANI: Mi e begi Yehofa fu a soi mi san mi mu du. Mi e sutudeli Beibel fu si san a wani tu

BAKA DATI: Mi e akisi Yehofa fu sani waka bun

BAKA DATI: Mi e du sani enke fa Beibel taki