Skip to content

Skip to secondary menu

Skip to table of contents

Yehofa Kotoigi

Okanisitongo

A libi fu wi enke kelesten anga a peleikiwooko–Komakandaa buku  |  november 2016

 A LIBI FU WI ENKE KELESTEN

San Bijbel kan leri wi?—Fa u mu wooko anga a buku ya

San Bijbel kan leri wi?—Fa u mu wooko anga a buku ya

Den buku di den e kai San Bijbel kan leri wi? anga San Bijbel e leri wi trutru? e gei. A buku San Bijbel kan leri wi? á de aini Sranantongo ete. Den tu buku ya a fu leli sama. A den seefi toli sikiifi aini. Den kapitel sete na aseefi fasi tu. Ma a nyun buku moo makiliki fu fusutan. A meke gi den sama di a San Bijbel e leri wi trutru? buku e taanga gi. A nyun buku ná abi a pisi di den e kai „Tra prenspari sani”. Ma na a kaba fu a buku yu abi wan pisi di den e kai „Ete wan tu sani”. A pisi ya e soi san son wowtu di de aini den kapitel wani taki. Akisi á de na a bigin fu den kapitel. Wan faki á de na a kaba fu den kapitel fu luku baka san u be leli tu. Ma na a kaba fu den kapitel den sikiifi den moo pelensipali sani di de aini den kapitel. Leti enke fa wi e gi sama a buku San Bijbel e leri wi trutru?, a so u sa gi den a nyun buku San Bijbel kan leri wi? tu, winsi u nai paati en a mun de. Fa u sa wooko anga den sani aini a nyun buku ya te wi e sutudeli anga sama?

SAN WI LERI: Te wi e sutudeli a Bijbel leri-buku anga sama, u gwenti leisi den paragraaf, da baka dati wi e poti den akisi. A omen sama ná abi polobelema anga a sani ya. Ma kon u taki a sutudi nai kaba fusutan a tongo di sikiifi aini a buku noh? Kon u taki a nai leisi bun noh? Da kande i sa wooko anga a San Bijbel kan leri wi? buku. I sa wooko anga a pisi di den e kai „San wi leri” fu sutudeli anga a sama. I sa gi a sutudi taanga-sikin fu leisi a hii kapitel gi enseefi. Efu na a pisi di den e kai „San wi leri” yu o sutudeli anga a sama, da i sa taki 15 miniti fu iniiwan fu den pisi di de aini a faki de. A pisi ya nai taki fu ala sani di sikiifi aini a kapitel, neen meke i mu seeka bun. I mu holi a pakisei san a sutudi abi fanowdu. Efu yu o sutudeli a hii kapitel anga wan sama, da na a kaba i sa poti pakisei na a pisi „San wi leri”, fu luku efu a sutudi fusutan san a leli.

ETE WAN TU SANI: Den wowtu na a pisi ya sikiifi baka makandaa enke fa den de aini a kapitel. Iseefi sa luku efu yu o taki fu den sani di sikiifi na a pisi „Ete wan tu sani” anga a sutudi.