Skip to content

Skip to secondary menu

Skip to table of contents

Yehofa Kotoigi

Okanisitongo

Wi Kelesten libi anga a peleikiwooko–Komakandaa buku  |  mei 2016

 A LIBI FU WI ENKE KELESTEN

Yu e wooko anga a JW Library?

Yu e wooko anga a JW Library?

A JW Library a wan app di i sa koboloiki fu download a Beibel anga taa buku. I sa download sani enke felon anga sani fu aliki a yu telefon, i tablet efuso computer. I ná abi fu pai fu a app ya.

PE I SA FENDE EN: Go a internet, da i download a JW Library. Ai wooko a gaanse fu den telefon efuso tablet. Opo a app te i de a internet, da i download den sani di i wani. Efi i ná abi internet a osu, i sa download den sani ya na a Kownukondee zaal efuso te i de a wan cyber. Te i download den sani ya kaba, da i ná abi internet fanowdu moo fu opo den. Ma nyun sani e kon na a JW Library app. Neen meke i mu e go ala yuu a internet fu download den nyun sani ya.

SAIDE I MU DOWNLOAD A JW LIBRARY APP? A JW Library e meke a moo makiliki fu ondoosuku Beibel. A makiliki fu wooko anga en te i de a komakandaa. I sa koboloiki en te yu e peleiki tu. A app a wan gaan yeepi te yu e peleiki a wan peesi pe i mu wakiti.